oruc

Aşura orucu qəza edilirmi?

    17.07.2025
Sual: 
Salam.Məhərrəm ayının 9cu günü oruc tutdum.Aşura günü isə heyz qanı olduğundan tam əmin olmadığım qan gəldi.Bu halda orucu açmaq düz hərəkətdi?Heyz qanı olsa və ya olmasa hökmü nədir?Qəza etməliyəm?Və bu cür hal məni açığı kədərləndirdi çox istəyirdim tutmağı,bunun günahlarla orucumun qəbul olmaması ilə əlaqəsi varmı?
Cavab: 

Və aleykum Salam. Heyzdən əvvəl gələn qanla bulanıq axıntı heyzdən sayılır. Aşura günü və ondan bir gün əvvəl və ya sonra oruc tutmaq vacib deyi, müstəhəbdir. Odur ki bu orucu tuta bilməyən şəxs onu qəza etmir.

Aşura orucu tutan qadın iftara iki saat qalmış heyz olarsa orucu pozulurmu?

    17.07.2025
Sual: 
Salam.Aşura günü orucunda iftara 2-3 saat qalmış heyz qanı gələrsə oruca təsiri nə olur?Yenidən tutmaq şərtdirmi?
Cavab: 

Və aleykum Salam. Oruclu qadın iftardan əvvəl (Məğrib namazından əvvəl) heyz olarsa, o günün orucu pozulur. Aşura orucu müstəhəb olduğu üçün yenidən tutulmur. Lakin bu hal ondan asılı olmadığı üçün niyyətinə görə Uca Allah ona Aşura gününün orucunun savabını yazır. Ətraflı oxuyun:

Arafa orucu tutan qadın Əsr namazına yaxın heyz olarsa, Arafa günü savabını qazanırmı?

    14.06.2025
Sual: 
Salam aleykum. Qadın arafa günü oruc tutur ancaq əsr namazına yaxın heyz olur. Belə olduğu halda arafa günü oruc tutmağın savabını qazanır mı? Artıq bu gün üçün başqa gün oruc tutmaq olmur, elədir mi? Allah razı olsun
Cavab: 

Və aleykum Salam. Oruc tutan qadın günün istənilən vaxtında heyz olarsa, orucunu açmalıdır. Hətta iftara beş dəqiqə qalmış heyz olsa, orucu pozulmuş olur. Qadın heyz olduğunu bilən andan orucu açmalıdır.

Qəzaları tutduqdan sonra Şəvval ayından dörd gün oruc tutmağa yetişən Şəvval orucunu tutmuş sayılırmı?

    01.05.2025
Sual: 
Salam. Her vaxtınız xeyir. Demeli bugun ayin 18-dir. 6 gun sevval orucu tutmaq lazimdir. Ondan da elave menim ramazandan qalan 6 gunluk qezam var. Sevval ayinin bitmesine 10 gun var, men indi gerek 6 gun qezamj tutum, ondan da sonra sevvalin 6 gunluk orucunun dordunu tutum. Bilirem hedisdeki kimi alinmayacaq amma bilmek isterdim ki, menim 4 gun oruc tutmagim olar? Pis olmaz ki?
Cavab: 

Və aleykum Salam. Şəvval ayının altı gün orucunu tutmaqla bir illik oruc savabına nail olmaq üçün əvvəlcə qəzaları tutmaq lazımdır. Şəvval ayından dörd gün oruc tutmaq savab əməldir, lakin bu, bir illik oruc savabına nail olmaq üçün yetərli deyil. Ətraflı oxuyun:

Oruc üçün niyyət edəndə vəsvəsələrim olur...

    19.04.2025
Sual: 
Əs-sələmu Aleykum.oruc tutan zaman niyyet edende vesvese olur mende duzgun niyyet etmedim orucum sehih deyil niyyet duz olmadi bele şeyler gelir ve men stres kecirdirem ki dogurdanda duz niyyet elemeyib orucum sehih olmaz.meselen budinlik qoyuram ureyimde fikirlesirem ki səhura filan şeyi yeyib tez bitirim lakin bu hiss menden el cekmir.birdeki niyyet vasitəsile ilə oruc pozula biler??men ramazanin qeza orucunu tutmaq istedim səhuru elemedən tutdum lakin niyyetim duz deyil deye fikirlər gelirdi mende orucu pozub sabah duzgun niyyet edim tutaram deye fikirləsirdim lakin açmadim iftari gozledim
Cavab: 

Və aleykum Salam. Sualda qeyd etdiyiniz niyyətlə əlaqəli hal şeytanın vəsvəsəsidir. Belə vəsvəsələrə fikir verməyin. Oruc üçün niyyət etmək sadəcə sübh azanından əvvəl və ya gecə yatarkən səhər oruc tutacağını qəlbindən keçirməkdir.

Oruclu ikən gününü yatmaqla və ya dünyəvi işlərlə keçirənin orucu sayılırmı?

    12.04.2025
Sual: 
Salam.Ramazan orucunu tutan bir insan namaz qılmırsa,quran oxumursa,dua etmirsə,sədəqə vermirsə,gününü yalnız yatmaqla və ya öz işi ilə keçirirsə orucu qəbul sayılırmı?(Doğrusunu Allah bilir).Bu qaydada oruc tutmaq nə dərəcədə doğrudur.
Cavab: 

Və aleykum Salam. Oruc tutmaq təkcə yeyib-içməkdən imtan etmək deyil, həm də Allahı çox zikr edib müxtəlif ibadətlərlə Ona yaxınlşamaqdır. Ən xeyirli oruc Allah ən çox zikr edilən orucdur.

Heyzdən sonra gələn qan orucu pozurmu?

    12.04.2025
Sual: 
Salam əvvəlcədən sualıma görə üzr istəyirəm mən aybaşı olmuşdum 4 gün bitməsini gözlədim daha sonra qüsl alıb oruc tutdum, Daha sonra yenidən qan gördüm bu mənim orucumu pozurmu ?
Cavab: 

Və aleykum Salam. Hər qadının özünə xas heyz (aybaşı) adəti olur. Əgər sizin heyzdən təmizlənmə müddətiniz 4 gündürsə, yəni bu müddət tamamlanandan sonra heyz qanı təmamilə dayandısa və siz qüsl etdikdən sonra ləkə gördünüzsə, bu ləkəyə fikir verməyin. Ətraflı oxuyun:

Pages