Va aleykum salam. Əgər səhvən olubsa oruc sayılır. Peyğəmbər (Ona və ailəsinə Allahın salavatı və salamı olsun) demişdir: "Kim oruclu olarkən unudaraq yeyər və ya içərsə orucunu davam etdirsin. Həqiqətən Allah onu yedizdirib, içizdirmişdir". (əl-Buxari, 1923).
Salam aleykum.
Və aleykum Salam. Cümə namazına getmək kişilərə vacib buyurulmuşdur, qadınlar isə istəsələr gedə bilərlər. Yəni, onlar üçün vacib deyil. Daha ətraflı:
Qadınlara cümə namazı vacibdirmi?
Salam aleykum. İnsanın icazəsi və könüllü razılığı olmadan heç kimin onun şəxsi malını satmasına və mənimsəməsinə ixtiyarı yoxdur. Mehr də həmçinin belədir. Mehr, qadının kişi üzərində olan haqqı və onun şəxsi mülküdür.
Və aleykum Salam. Ağlı başında olan və həddi-büluğa çatmış müsəlman qadının hicab bağlamaması böyük günah olsa da, bu, həmin qadının atası, qardaşı və ya ərinin dəyyus olması demək deyil, çünki dəyyus ailəsinin qeyrətini çəkməyib, onların qayğısına qalmayan bir kəsə deyilir.
Və aleykum Salam. Əgər abort hamiləliyin 81 günündən sonra olubsa, bu zaman axan qan nifas qanı sayılır və bu nifas qanı qurtarana qədər oruc tutulmur və namaz qılınmır. Nifasın (doğuşdan sonra axan qan) -- ən uzun müddəti qırx gün olur, bundan sonra namaz qılınmalıdır.
Və aleykum Salam. Heyz qüslu alanda hansısa sözləri demək və ya dua etmək lazım deyil.