Vəzifəli şəxsə bəxşiş vermək günahdır?
Sual:
Salam aleykum. Həkim və ya müəllimə zəhməti müqabilində verilən bəxşiş haramdırmı?
Cavab:
Aleykum salam. Cavabı buradan oxuyun: Həkim xəstənin verdiyi pulu götürə bilərmi?
ruzi
Namaz qılarkən dəstəmazın olmadığı yada düşərsə, yenidən qılmalıyıqmı?
Sual:
Salam aleykum. 1)Bir insan namaz qılıb. Sonra yadına düşüb ki, dəstəmazı yox idi, o həmin namazı yenidən qılmalıdırmı? 2) İş yerində namaz qılmağa icazə verilmirsə o namazlarını evdə qılmalıdır? Yoxsa iş yerini dəyişməlidir? Allah razı olsun.
Cavab:
Aleykum salam. Namaz qıla-qıla dəstəmazın olmadığı yadınıza düşdükdə, namazı yarımçıq saxlayıb dəstəmaz alaraq yenidən namaz qılmaq lazımdır. Namazı qurtardıqdan sonra yada düşdükdə də dəstəmaz alınaraq namaz yenidən qılınmalıdır.
Halal ruzi qazanma yolları haqqında
Sual:
Salam aleykum. 1)Zəhmət olmasa bir neçə halal pul qazanma yollarını deyərdiz. 2)Birdə haramlardan necə çəkinək? 3)Namaz qılan insanın içki süfrəsində və ya musiqi olan yerdə oturması düzgündürmü?
Cavab:
Aleykum salam. Əvvəlcə Allahdan layiqincə qorxmaq və onun əmrlərini yetirmək və qadağalarından çəkinmək lazımdır: "...Allahdan qorxana, Allah çıxış yolu göstərər və ona təsəvvürünə gətirmədiyi bir yerdən ruzi bəxş edər...". (ət Talaq, 2-3).
Möminin bankdan pul götürməsi düzgündürmü?
Sual:
Salam aleykum. bilmek isteyirem ki, mömin bir shexse bankdan pul goturmek olar ya yox? Meqsed evi temir etmekdir.
Cavab:
Aleykum salam. Xeyr, Rəsulullah (Allahın ona və ailəsinə salavatı və salamı olsun) bunu qadağan etmişdir: "Rəsulullah ribanı (faiz) yeyənə, yedirdənə (burada faiz alan və verən nəzərdə tutulur), (müqaviləni) tərtib edənə, şahidlik edənə lənət etdi və: "Onlar bərabərdirlər", – dedi.
Bankda işləmək və xarici dilləri öyrənmək haqqında
Sual:
Salam aleykum. 1. Bankda kredit sobesinde islemek olarmi?
2. Ingilis,alman,fransiz ve s dilleri oyrenilmesine nece baxirsiniz? ALLAH razi olsun.
Cavab:
Aleykum salam. Bankda işləmək barəsində: "Rəsulullah (salləllahu aleyhi və səlləm) ribanı (faiz) yeyənə, yedirdənə, (müqaviləni) tərtib edənə, şahidlik edənə lənət etdi və: "Onlar bərabərdirlər", dedi. (Səhih Muslim).
Xarici dilləri öyrənməyə isə heç bir qadağa yoxdur.
Ruzi duası varmı?
Sual:
Salam aleykum. Ruzi duasi varmi? Deyirler Qurandan yazilma dualar var. Bu doğrudurmu? Bunlarda günahdırmı?
Cavab:
Aleykum salam. Xüsusi olaraq ruzi duası kimi tanınan bir dua mövcud deyil. Amma ümumən Qurani Kərimdə və Məhəmməd Peyğəmbərin (Ona və ailəsinə Allahın salavatı və salamı olsun) səhih hədislərində mövcud olan duaların tərkibində, ruzi diləməklə bağlı cümlələr keçmişdir.
Marketdə işləmək olar?
Sual:
Salam aleykum. Marketde bir satici kimi ishlemek gunahdir evvelceden. Teshekkurler.
Cavab:
Aleykum salam. İslama görə işləmək, ticarət etmək və ya ruzi, qazanc əldə etmək niyyəti düzgün və Allah rizası üçün olarsa, bunun özü bir ibadətdir. Lakin haramdan qazanc əldə etmək, haram işlərə vasitə olmaq və ya haram satılan yerlərdə işləmək şəriətə görə qadağandır.
Vədəli ticarət növü icazəlidirmi?
Sual:
Bir mağaza ev əşyaları satmaqla məşğuldur. Müştərilər müraciət edirlər ki, malı indi alıb pulunu hissələrlə ödəsinlər. Lakin mağazanın elə maddi imkanı yoxdur. Bunun üçün azad vəsaiti olan bir şəxslə müqavilə imzalayır ki, pay bölgüsü etmək şərti ilə müştərilərinə həmin üsulda mal sata bilsin. Məsələn: Mağazada malın nağd qiyməti 500 manatadır, 6 aya ödəmək şərti ilə 600 manat, 100 manat ikinci şərikə çatır. kinci şərik malın pulunu birinciyə ödəyir, 600 manatı isə 6 aya müştəridən alır. Bankda müştəriyə pul verirlər o isə həmin pula nəsə mal alır, burada isə malın özü verilir.
Cavab:
Aleykum salam. Şəriətə görə bu cür ticarət əməliyyatına icazə verilmir, çünki müştərinin əvəzinə pulu ödəyən adam ticarət etmir. O, sadəcə olaraq, satılan malın gəlirindən ticarət etmədən faiz əldə edir. Hal-hazırda bu işi banklar da görür, məsələn, avtomobil alqı-satqısında.
İçərisində namazgah olan binanın alınıb-satılması halaldır?
Sual:
Salam aleykum chox hörmetli qardashlar. Yashdigim sheherde bir qeyri-müselmana mexsus bina var. Müselmanlar bu binanin bir hissesini kiraye götürüb uzun müddetdir ki, mescid kimi istifade edirler. Indi ise sahibi binani satmaq isteyir. Bir müselman bu binani alib menfeet elde etmek üçün bashqa bir shexse satmaq isteyir. Bu halda müselmanlarin mescid kimi istifade etdiyi erazi de satilmalidir. Bu sebebden de hemen müselman qardaş tereddüd icherisindedir. Çünki alqi-atqi zamani kirayeye götürülmüş mescid kimi istifade olunan hisse baglana biler.
Cavab:
Aleykum salam. Şəriətə görə sözü gedən yer istifadə üçün icarəyə götürülübsə, həmin yerin alınıb satılmasında heç bir problem yoxdur. Çünki həmin məkan əvvələcədən məscid kimi inşa olunmayıb. İslam alimləri belə hesab edir.
Bankda işləmək günahdır?
Sual:
Salam aleykum.Faize pul almaq,vermek,ona zamin durmaq gunah oldugunu bilirem bes bankda islemek gunahdi?
Cavab:
Və aleykum Salam. Rəsulullah (salləllahu aleyhi və səlləm) ribanı (faiz) yeyənə, yedirdənə, (müqaviləni) tərtib edənə, şahidlik edənə lənət etdi və: "Onlar bərabərdirlər", – dedi. (Səhih Muslim).