Aleykum salam. Əvvala bilmək lazımdır ki, islamda borc namazı deyilən bir anlayış yoxdur. Ola bilər ki, sizin qəsd etdiyiniz qəza namazlarıdır. Niyyət adi namazlarda olduğu kimidir. Ümumiyyətlə niyyət məqsəd deməkdir. Bir əmələ niyyət etmək o əməli yerinə yetirmək məqsədi olmaq deməkdir.
Aleykum salam. Namaz qılarkən gözləri yumaraq dua etmək bəyənilmir.
Aleykum salam. Yuxuya getdikdə, unutduqda və ya huşu itirdikdə (xəstəlik və ya başqa səbəbə görə) maneə aradan qalxan kimi namaz qılınmalıdır. Bilərəkdən namazı gecikdirmək, yəni namaz üçün təyin edilən müddəti keçirtmək isə günahdır.
Aleykum salam. Bacardığınız qədər Allahın buyurduqlarını yerinə yetirin və bilin ki, namazı çətinliklə qılanın savabı rahat bir şəkildə qılandan daha çoxdur.
Aleykum salam. Şəriətə görə dırnaqlarda lak ola-ola namaz qılmaq olar. Lakin dəstəmaz və ya qüsl aldıqda dırnaqdakı boyaları silmək lazımdır. Qüsl və ya dəstəmazdan sonra yenə lak vura bilərsiniz.
Aleykum salam. Əgər siz bilmədən namazı səhv qılmısınızsa, inşallah Allahın mərhəməti sayəsində namazınız qəbul olunar. Lakin namazın səhv olduğunu biləndən sonra namazı tərk etməyə lüzum yoxdur. Sadəcə namaz qılaraq tədricən buraxdığınız səhvləri düzəltməyə çalışmaq lazım idi.
Aleykum salam. İstixarə və ya hacət adlı namaz iki rükətli namazdır. Bir xeyir iş görmək istədikdə iki rükət namaz qılıb ya təşəhhüddən sonra salamdan əvvəl, ya da salamdan sonra istixarə duasını edərək Allahdan xeyir diləyirsiniz.
Aleykum salam. Şəriətə görə beş vaxt namaz və bir cümə digər cüməyə qədər olan (kiçik) günahlara kəffarədir (bağışlanmadır). Böyük günahlar istisnadır. Namaz, Uca Allahın bəndələrinə olan böyük və geniş mərhəmətini bildirir.
Aleykum salam. Namaz qılmağa yeni başlayarkən, namazın söz və hərəkətlərini tam mənimsəyənə qədər namaz qıla-qıla vərəq və ya kitabdan istifadə etməkdə günah yazılmır. Bu xüsusda Uca Allah buyurur: "Bilməyərəkdən etdiyiniz səhvlərə görə sizə günah yoxdur.
Aleykum salam. Nəzərinizə çatdıraq ki, möhür haqqında, şəriətdə heç bir səhih məlumat varid olmamışdır. Çünki Peyğəmbər (Ona və ailəsinə Allahın salamı və salavatı olsun) namazı möhürsüz qılıb.