Aleykum salam. Bu tam olaraq belə deyildir. Bəzi qadınlar təklikdə qalmaqdan qorxurlar. Bunun dinlə heç bir əlaqəsi yoxdur. Bu, qadının təbiətindən asılıdır. Ümumiyyətlə həm kişinin, həm də qadının insanlardan uzaq duraraq çox vaxt təkliyə çəkilməsi yaxşı hal deyildir.
Aleykuma salam. Qadın yad kişilərin yanında oynamamalıdır, bu, düzgün deyildir. Qadın yalnız öz ərinin yanında onun üçün oynaya bilər.
Aleykuma salam. Qadın yalnız ərinin yanında qısa geyinə bilər, başqalarının yanında isə üz və əlləri (biləklərə qədər) istisna olmaqla bütün bədəni örtülməlidir.
Aleykum salam. Sizin qeyd etdiyiniz vəziyyətdə, yəni xüsusən çox sıxlıq olduqda oturmaq olar. Hətta sıxlıq olmasa belə, oturmaqda heç bir problem yoxdur.
Aleykum salam. Bəli, dəstəmaz aldıqdan sonra makiyajlı halda namaz qılmaq olar. Bunun qadağan olunması ilə bağlı şəriətdə heç bir məlumat verilmir.
Aleykum salam. Siğə etmək ona görə olmaz ki, bunu Peyğəmbərimiz (salləllahu aleyhi və səlləm) bizə qadağan etmişdir. Düzdür, siğə bir vaxt icazəli olmuşdur, lakin sonralar Peyğəmbərimiz (Ona və ailəsinə Allahın salavatı və salamı olsun) bunu qadağan etmişdir.
Aleykuma salam. Qadının saçını kəsməsi günah deyildir. Sadəcə qadının saçını çox kəsdirərək kişidən seçilməməsi qadağandır.
Aleykum salam. Bu halda yalnız heyz qüslu almaq kifayətdir. Heyz qüsulunun cənabət (cinsi əlaqədən sonra) qüslundan fərqi odur ki, saçlar tam islanmalı və hörüklər varsa, açılaraq yuyulmalıdır. Cənabət qüslunda isə saç tam islanmasa da, başa üç dəfə su tökmək kifayətdir.