qadınlar

Ölmüş körpəm yuxuma girə bilərmi?

    12.02.2014
Sual: 
Salam aleykum. Mənim iyul ayinda qızım dünyasını dəyişib. Səkkiz günlük idi. Mən hal hazırda istirahət etmək üçün bir az başım sakitləşsin deyə başqa ölkəyə gəlmişəm. Mən hardasa üç gün bundan öncə yuxuda gördüm ki, bur qız uşağı hardasa beş yada altı yaşında, mənə tərəf gəlir. Hiss elədim ki, bu qız mənim qızımdı. Ancaq öldüyünü yuxuda hiss eləmirdim, yəni eləbil ki, olməyib. Mənə yaxınlaşdı ve qucaqladı, dedi ki, məni niyə qoyub dincəlməyə gedibsən? Mən ağladım ve o da ağladı. Mən soruşmaq istiyirəm ki, o həqiqətən mənim qızım ola bilər?
Cavab: 

Aleykum salam. Bunu deyə bilmərik. Amma yuxuya görə məyus olmaq olmaz. Bu mövzuları oxuyun:
Yuxu haqqında
Yuxuda rəhmətə getmiş insanı görmək nə mənaya gəlir?

Hamilə qadının övladı haqqında niyyət etməsi

    12.02.2014
Sual: 
Salam aleykum. Mən hamilə ikən qardaşım əsgər gedəcəkdi, niyəsə mənə eləbir hiss gəldiki ona nə isə olacag...mən əlimi qarnıma qoyub dua etdimki, əgər qardaşımın başında hansısa bəla varsa körpəmə gəlsin, bu gün qardaşım əsgər getdi, sabah qızım dünyaya gəldi, yəni əslində vaxtı deyildi, uşag 10 gündən sonra rəhmətə getdi, mən özümü bağışlaya bilmirəm. Vicdan əzabı cəkirəm. Çünki mən səhv dua etmişdim, mən övladımdan qurban dedim. Sizcə Allah mənim bu duama görəmi məni cəzalandırdı? hər duam qəbul olmazkən elə bu duammı qəbul olundu?
Cavab: 
Və aleykum Salam. Vicdan əzabı çəkməyin. Övladınızın ölməsi əvvəlcədən onun üçün müəyyən edilmiş qədərdir. Uca Allah buyurur: "Allahın izni olmayınca heç kəsə ölüm yoxdur. O, vaxtı müəyyən edilmiş bir yazıdır. (Ali-İmran, 145).

Valideyn hicaba görə narazıdırsa, nə etməli?

    06.02.2014
Sual: 
Salam aleykum. Yeddi ildir ki, hicaba riayet edirem. Lakin anam menden narazidir. Mene deyir ki, haqqimi sene halal etmirem. Namaz qiliram ve oruc tuturam. Men anamin menden narazi olmağina chox narahatam. Bele halda ya anam, ya men dunyadan kochsek, men gunahkar oluram ya yox? Anani narazi salib ayaqlari altinda olan cennete nece girmek olar? Valideyn haqqi Allah haqqidir. Qiyamet gununde aramizda heç bir qohumluq elaqesi olmadigi halda meni Allah bu itaetime gore qebul edermi? Yoxsa anamin naraziligi qebul olar? Çox xahiş edirem ki, mene bu barede melumat veresiniz.
Cavab: 

Aleykum salam. Peyğəmbərimiz (Ona və ailəsinə Allahın salavatı və salamı olsun) demişdir: "Xaliqə (Yaradana, Allaha) asi olmaqda məxluqa itaət edilməz". (İmam Əhməd, 1095).

Qadınlar cümə və adi günlərdə məscidə camaat namazına gedə bilərmi?

    06.02.2014
Sual: 
Salam aleykum. Bildiymize gore kishiler ve oglanlar cume gunu mescid de namaz qilir. Olarmi ki, qadinlar da, qizlar da qilsin tek cume gunu, yox adi gunde bele?
Cavab: 

Aleykum salam. Bəli, olar. Sadəcə, qadına məscidə və ya cümə namazına getmək vacib deyil. Bu, Uca Allahın onlar üçün yaratdığı bir asanlıqdır. Hədislərdən birində Peyğəmbərimiz (Allahın ona və ailəsinə salavatı və salamı olsun) belə buyurmuşdur: "Qadının məscidi evinin küncüdür".

Hicabı istənilən rəngdə geyinmək olar?

    05.02.2014
Sual: 
Salam aleykum. Hicaba girərkən hansı reng de istesen geyinmek olur?
Cavab: 

Aleykum salam. Hicabı istənilən rəngdə geyinmək olar. Sadəcə olaraq yaxşı olar ki, dar, şəffaf, cazibədar, düm ağ, qırmızı, sarı, zərli, bərli-bəzəkli rənglər kimi cəlb edici və ya diqqət çəkəcək görkəmdə olmasın. Bu fikir, mötəbər islam alimlərinin görüşüdür.

Konfeti yastığın altına qoyaraq gələcək nişanlını yuxuda görmək

    05.02.2014
Sual: 
Salam aleykum. Nişanda, toyda, xınada konfet verirlər qızlara. Onları başımızın altına qoyuruq ki, kimisə görsək yuxuda ona qismət oluruq. Bunları etmək günahdırmı? Xahish edirem mene etrafli melumat veresiz.
Cavab: 

Aleykum salam. Toyda, xınada, nişanda konfet götürüb başın altına qoyaraq yuxuda görülən adama qismət olacağına inanmaq günahdır. Çünki, bu əməl fala baxmağın bir növüdür. Fala baxmaq və fala baxdırmaq böyük günahlardan hesab olunur. 

Saçı açıq halda ibadət etmək olarmı?

    04.02.2014
Sual: 
Salam aleykum. Allaha ibadət edəndə saçı açıq olarmı? Allah sizi cənnətlə mükafatlandırsın.
Cavab: 

Aleykum salam. İbadət dedikdə namazı nəzərdə tutursunuzsa, olmaz. Namaz vaxtı qadının bütün örtünməli olan əzaları bağlı olmalıdır. Ümumiyyətlə qadın nəyin ki, təkcə ibadət zamanı, qadın naməhrəmlər yanında da daim örtükdə olmalıdır. Bu şəriətimizin tələbidir.

Ayaq dırnaqlarına lak vurmaq olarmı?

    04.02.2014
Sual: 
Salam aleykum. Deyirlər ki, əl dırnaqlarına lak qoymaq dəstəmazı pozur, bəs ayaq dırnaqlarına necə?
Cavab: 

Aleykum salam. Əvvala bilmək lazımdır ki, dırnaqlara lak vurmaq dəstmazı pozmur. Amma nəzərə almaq lazımdır ki, lak dırnaqların üzərində müəyyən bir təbəqə yaradan və suyun dırnaqlara keçməsinin qarşısını alan bir maddə olduğu üçün hər dəstəmaz və ya qüsl vaxtı onu təmizləmək lazım gələcək.

Pages