qadınlar
Qadınla kişi birlikdə namaz qıla bilərlərmi?
Aleykum salam. Bu cavabı oxuyun: Qadınlarla kişilər bir yerdə namaz qıla bilərlərmi?
Qızlar saçlarına rəng qoya bilərlərmi?
Aleykum salam. Bəli, rəng qoymaq olar, amma qara rəngdən çəkinmək lazımdır.
Valideyn hicaba görə narazıdırsa, nə etməli?
Aleykum salam. Peyğəmbərimiz (Ona və ailəsinə Allahın salavatı və salamı olsun) demişdir: "Xaliqə (Yaradana, Allaha) asi olmaqda məxluqa itaət edilməz". (İmam Əhməd, 1095).
Qadınlar cümə və adi günlərdə məscidə camaat namazına gedə bilərmi?
Aleykum salam. Bəli, olar. Sadəcə, qadına məscidə və ya cümə namazına getmək vacib deyil. Bu, Uca Allahın onlar üçün yaratdığı bir asanlıqdır. Hədislərdən birində Peyğəmbərimiz (Allahın ona və ailəsinə salavatı və salamı olsun) belə buyurmuşdur: "Qadının məscidi evinin küncüdür".
Hicabı istənilən rəngdə geyinmək olar?
Aleykum salam. Hicabı istənilən rəngdə geyinmək olar. Sadəcə olaraq yaxşı olar ki, dar, şəffaf, cazibədar, düm ağ, qırmızı, sarı, zərli, bərli-bəzəkli rənglər kimi cəlb edici və ya diqqət çəkəcək görkəmdə olmasın. Bu fikir, mötəbər islam alimlərinin görüşüdür.
Konfeti yastığın altına qoyaraq gələcək nişanlını yuxuda görmək
Aleykum salam. Toyda, xınada, nişanda konfet götürüb başın altına qoyaraq yuxuda görülən adama qismət olacağına inanmaq günahdır. Çünki, bu əməl fala baxmağın bir növüdür. Fala baxmaq və fala baxdırmaq böyük günahlardan hesab olunur.
Saçı açıq halda ibadət etmək olarmı?
Aleykum salam. İbadət dedikdə namazı nəzərdə tutursunuzsa, olmaz. Namaz vaxtı qadının bütün örtünməli olan əzaları bağlı olmalıdır. Ümumiyyətlə qadın nəyin ki, təkcə ibadət zamanı, qadın naməhrəmlər yanında da daim örtükdə olmalıdır. Bu şəriətimizin tələbidir.
Ayaq dırnaqlarına lak vurmaq olarmı?
Aleykum salam. Əvvala bilmək lazımdır ki, dırnaqlara lak vurmaq dəstmazı pozmur. Amma nəzərə almaq lazımdır ki, lak dırnaqların üzərində müəyyən bir təbəqə yaradan və suyun dırnaqlara keçməsinin qarşısını alan bir maddə olduğu üçün hər dəstəmaz və ya qüsl vaxtı onu təmizləmək lazım gələcək.
Başdan-ayağa qara geyinənlərə niyə Vəhhabi deyirlər?
Aleykum salam. İnsanın tutduğu yol onun geyimi və ya xarici görkəmiylə ölçülmür. Əqidə sadəcə daxildən gələn, Uca Allaha olan saf və səmimi bir inanc hissidir. Düzgün yol Allah Rəsulunun (Allahın ona və ailəsinə salavatı və salamı olsun) yoludur.