Va aleykum Salam. Həddi-buluğa çatmayan oğlan uşaqlarının yanında qadının başını açması günah deyil. Lakin, nəzərə almaq lazımdır ki, indiki uşaqlarda şəhvət hisslərinin formalaşması daha tez baş verir.
Və aleykum Salam və rahmətullahi və bərakətu.
Va aleykum Salam. Bəzi hallar istisna olmaqla, qadının ərindən gizli onun pulunu xərcləməsi ailədə səmimiliyin və etibarın itməsinə gətirə bilər.
Və aleykum Salam. Valideynlərin hicab geyinməyə icazə verməmələri düzgün olmadığına görə, bu məsələdə onlara itaət etmək olmaz. Peyğəmbər (Allahın ona və ailəsinə salavatı və salamı olsun) buyurur: "Yaradana asi olmaqda məxluqa (yaradılmışa) itaət edilməz". (İmam Əhməd, 1095).
Və aleykum Salam. Namaz qıldığınız vaxt uşaq durduqda, əgər ciddi ehtiyac olarsa, qəzaya düşməmək şərtilə namazdan çıxmaq olar. Lakin, həmin namazı yenidən qılmaq lazımdır. Çünki, yarıda qoyulmuş namaz batil olur və yenidən qılınır.
Va aleykumus-Sələm. Əgər hicablı qızın otağına qəflətən naməhrəm kişi daxil olarsa və qızın hicabı başında olmazsa, qıza günah sayılmır. Çünki, qızın bundan xəbəri olmayıb.
Və aleykum Salalm. Siz hər bir yaşlı qadına ehtiram və hörmət edərək ana kimi baxa bilərsiniz. Peyğəmbər (Allahın ona və ailəsinə salavatı və salamı olsun) demişdir: "Kiçiyimizə rəhm etməyən və böyüyümüzə hörmət göstərməyən kimsə bizdən deyildir". (əl-Buxari "Ədəbul-Mufrad", 356).
Və aleykum Salam. Kişinin kəbini pozulmasından xəbəri yoxdursa, qadın boşanmış sayılmır. Yəni, qadın kəbini pozdura bilməz. Verilən mehri geri qaytararaq kişidən boşanma tələb olunur.