təmizlənmə

Heyz olduğunu zənn edib namazları üç gün qılmayan qadın bu namazları qəza etməlidirmi?

    13.11.2024
Sual: 
Üzürlü sayın sualım üçün Aybaşı olduğumu zənn edirdim amma elə belə şey imiş və məndə 3gündür namaz qılmamışam bu günahdır?
Cavab: 

Əssələmu aleykum. Əvvəla bunu qeyd edək ki, qadından gələn hər axıntı və ya qan heyz (aybaşı) sayılmır. Heyzin (aybaşının) müəyyən vaxtları və əlamətləri olur. Heyz vaxtından kənar digər vaxtlarda gələn qan və ya axıntı adətən xəstəlik səbəbindən olur. Bu hala "istihazə" deyilir.

Çimdikdən sonra qüsl almağı unudan nə etməlidir?

    30.10.2024
Sual: 
Salam çimib çıxandan sonra yadıma düşübki mən heyz qüsulu verməli idim. Sizcə susuz başqa yolla necə qüsul vsrmək olar?
Cavab: 

Və aleykum Salam. Sadəcə çimmək qüslü əvəz etmir. Odur ki siz heyz qüslü almalısınız. Əgər müəyyən səbəbdən (su olmasa və ya xəstəlik səbəbindən) qüsl almaq mümkün deyilsə, təyəmmüm almaq lazımdır. Həmçinin oxuyun:

Əməliyyatdan sonra bir müddət gözlərinə su vura bilməyən kəs necə dəstəmaz almalıdır?

    29.10.2024
Sual: 
Salam Aleykum. Mənim bir sualım olacaqdı. Mən bu yaxınlarda gözümdən əməliyyat oluanacam, və Həkimin dediyinə görə ən azı təxminən 10 gün gözə su dəyməməlidir, dəyərsə risq daşıyır. Bu zaman mən Dəstəmaz alarkən, gözümü yumadan, sadəcə üzümün qalan hissələrini yusam keçərli olarmı? Yoxsa başqa birşey etməliyəm?
Cavab: 

Və aleykum Salam. Əvvəla Uca Allahdan sizə kamil şəfa diləyirik! Əgər üzürlü səbəbdən dəstəmaz əzalarından hər hansı birini yumaq mümkün deyilsə, bu halda təyəmmüm edilir. Təyəmmüm etməyin qaydası və halları barədə ətraflı oxuyun:

Təhəccüd namazını qüsl almadan, dəstəmaz alaraq qılmaq olar?

    29.10.2024
Sual: 
Salam ,teheccud namazini qüsl almadan qilmaq olar?.destnamaz aliram
Cavab: 

Və aleykum Salam. Xeyr, boynunda cənabət qüslü olan şəxs mütləq qüsl alıb namaz qılmalıdır. Boynunda cənabət qüslü olan halda dəstəmaz alıb namaz qılmaq doğru deyil. Əgər qüsl almaq üçün maneələr olarsa, bu halda təyəmmüm alınır. Ətraflı oxuyun:

Dəstəmazı tez-tez pozulan şəxs necə namaz qımalıdır?

    21.10.2024
Sual: 
Salam mənim testemazım tez tez pozulur.artiq o həddə çatmışam ki namazı tərk edim.pozulsa da namaz qilmağa davam etsəm olar.ama dəqiq cavab olsun
Cavab: 

Və aleykum Salam. Dəstəmazın pozulması xəstəlik halını almış və dəstəmazı tez-tez pozulan şəxs, hər namazın vaxtı girərkən bir dəfə dəstəmaz alır və bundan sonra xəstəlik halını almış səbəb üzürlü sayılır və dəstəmazı pozmuş sayılmır. Beləcə hər namaz üçün bu qaydada yuyunub dəstəmaz alır.

Yuxuda məni ifraz olarsa dəstəmaz alıb namaz qılmaq olarmı?

    18.10.2024
Sual: 
Salam aleykum men gece yatanda istemeden meni ifraz oldu sabah oyananda ise evden isti su gelmirdi xestelenmekden qorxdugum ucun sadece ayib yerimi soyuq su ile temizleyib destemaz aldim ve namazimi qildim bu hal dogrudurmu eger dogru deyilse ne etmeliydim?
Cavab: 

Və aleykum Salam. Yuxuda olarkən məni ifraz olması əgər şəhvətlə çox miqdarda gəlibsə, bu halda qüsl etmək vacib olur. Üzürlü səbəbdən (su olmadıqda və ya xəstələnməkdən qorxub və s. bu kimi) qüsl ala bilməyən kəs təyəmmüm etməlidir.

Gözü sidiklə yumaq qüslü vacib edirmi?

    18.10.2024
Sual: 
Hervaxtiniz xeyr olsun menim gözüme çirk gelib ve qizarib ve men dede baba qaydasi sidik ile onu mindarladim indi men qusul almaliyam yoxsa destemaz alib namazimi qila bilerem
Cavab: 

Əssələmu aleykum. Əvvəla bunu qeyd edək ki, İslam alimlərinin nəcasətlə müalicə etmək barədə rəylərindən üstün olanına görə daxilə qəbul etməmək şərti ilə sidik və s. bu kimi nəcis olan maddələri xaricdən istifadə etmək icazəlidir. 

Xəstəlik səbəbindən tez-tez axıntısı olan qadın necə namaz qıla bilər?

    12.10.2024
Sual: 
Salam, mənim anam xəstə olduğu üçün dayanmadan ondan çirk, qan gəlir, heyz qanı kimi. 1 2 gün təmiz olur, sonra yenə ləkə kimi gəlir, üzrlü sayın, belə olan halda anam namaz qılmalıdı? Çünki artıq 6 aydı ki təmix ola bilmir.
Cavab: 

Və aleykum Salam. Əvvəla Uca Allahdan ananıza kamil şəfa verməsini diləyirik! Namaz elə bir ibadətdir ki, onu ağlı başında olan hər bir müsəlman yerinə yetirməlidir. Dinimiz asanlığı buyurduğu üçün hər bir çətin haldan bir çıxış yolu qoymuşdur.

Nifas qüslü aldıqdan sonra qadından gələn az miqdarda qan qüslü pozurmu?

    11.10.2024
Sual: 
Nifas qüslu aldıqdan sonra həmin günün axşamı temizlenerken çox azca sürtünme qan gördüm. Axşama kimi nese gelmeyib onan sonrada gelmedi sanki qalıq qan idi çox azca axıntıda deyildi heç bele sürtünme kimi geldi azca bu halda qüsl lazımdlr?
Cavab: 

Əssələmu aleykum. Nifasdan təmizləndikdən və qüsl etdikdən sonra gələn az miqdarda qan qüslü pozmur. Ətraflı oxuyun:

Dəstəmaz əzalarını yumaq xəstəliyin artmasına səbəb olarsa təyəmmüm etmək olarmı?

    08.10.2024
Sual: 
Salam Aleykum. Soyuqdeymesi olan şexs xesteliyinin artmasi ve ya sagalmanin gecikmesi riskine gore ayaqlarin yuyulmasi ve ya hem ayaqlarin yuyulmasi hem de başa su deymesinden ehtiyat ederse, destemaz yerine teyemmumle namaz qila bilermi? (Diger uzvlere su deymesinin tehlukesi yoxdur)
Cavab: 

Və aleykum Salam. Əgər dəstəmaz əzalarının hər hansı birinə su dəyməsi insanın xəstəliyini artırırsa və ya sağalmasına mane olursa, bu halda sağalana qədər namazlar üçün təyəmmüm etmək olar. Ətraflı oxuyun:

Pages