Və aleykum Salam. Ərəb dilini bilmək Cənnətə girmək üçün şərt deyil. Peyğəmbər (Allahın ona və ailəsinə salavatı və salamı olsun) belə buyurmuşdur: "...Ərəbin ərəb olmayandan, ərəb olmayanın da ərəbdən, ağın qaradan, qaranın da ağdan üstünlüyü yalnız təqva (Allah qorxusu) ilədir".
Və aleykum Salam. Bunun İslamla heç bir əlaqəsi yoxdur. Əksinə, bu yəhudilikdən gəlmə şeydir. Yəhudilərə görə, ana yəhudidirsə, uşaq da yəhudidir. Atanın hansı millətdən olması fərq etməz. Ata yəhudi olub ana başqa millətdən olsa, uşaq yəhudi deyil, ananın millətinə şamil edilir.
Salam aleykum. Azan və iqamə haqda rəvayət olunan hədislərdə Əlinin (Allah ondan razı olsun) adının deyilməsi haqda bir şey deyilmir. Hz. Əlinin (Allah ondan razı olsun) adının azanda deyilməsi Peyğəmbər (ona Allahın salavatı və salamı olsun) zamanında olmamışdır.