Və aleykum Salam. Peyğəmbər (ona Allahın salavatı və salamı olsun) belə buyurur: “Allah (Öz qullarının) asqırmağını sevir, əsnəməyini isə xoşlamır. (Müsəlman kimsə) asqırıb Allaha həmd etsə, ona: “Yərhəmukəllah”– demək, bunu eşidən hər bir müsəlmana vacibdir.
Aleykum salam. Şəriətimizdə Qurani Kərimi öpmək buyurulmamış və bu əməlin dində heç bir əsası yoxdur. Çünki, nə Peyğəmbər (salləllahu aleyhi və səlləm) nə də onun əshabələri (Allah onlardan razı olsun) Quranı öpməmişlər və nədəki belə bir şeyi buyurmamışlar.
Aleykum salam. Toyda, xınada, nişanda konfet götürüb başın altına qoyaraq yuxuda görülən adama qismət olacağına inanmaq günahdır. Çünki, bu əməl fala baxmağın bir növüdür. Fala baxmaq və fala baxdırmaq böyük günahlardan hesab olunur.
Aleykum salam. Bəli, düzgündür. İki və ya daha artıq sayda bacılar olsun, şəritə görə fərq etməz, hamısının bir ildə kəbinləri kəsilə bilər. Bu barədə şəriətdə heç bir qadağa yoxdur.
Aleykum salam. "Məhəbbət" üçün xüsusi bir dua forması yoxdur.
Aleykum salam. Sualınızla bağlı bu cavabları oxuyun:
Seyyid anlayışı doğrudur?
Qorxan adamı çıldaq etmək olar?
Aleykum salam. Peyğəmbər "hilal"-ı (təzə ayın əlamətini) gördükdə bu duanı oxumağı tövsiyə etmişdir: "Allahu əkbər, Allahummə əhilləhu aleynə bil əmni va iməni va-s-sələməti va-l-isləmi va tovfiqi limə tuhibbu rabbənə va tərda rabbunə va rabbukə-llah".
Aleykum salam. İslamda fala baxmaq və ya baxdırmaq, bürclərə iman gətirərək, onlara bağlanıb, onların verdiyi proqnoza görə hərəkət etmək Allaha küfr etməkdir. Bürclər, ulduzlar, ay, günəş və s. səma cisimləri insanların və kainatın taleyinə, qədərinin dəyişməsində heç bir rola malik deyildir.
Aleykum salam. Şəriətə görə dama boş şey qoymaqda heç bir günah və ya bir problem yoxdur. Əslində bu cür fikirlərin özü islama görə boş şeylərdir. Ümumiyyətlə islama görə bu kimi fikirlər batil inanclardan və xurafatlardan qaynaqlanır.