namaz

İş yerimdə namaz qılmağa imkan yoxdursa nə edə bilərəm?

    05.07.2023
Sual: 
Salam mən səhər saat 9a işləmiş işə gedirəm, saat 13:00dan 15:00adək obed vaxtıdı, evdə oluram həmin vaxt və axşam saat 20:00da işdən çıxıram. Həmçinin namazda qılmaq istəyirəm lakin işdə qıla bilmərəm, ancaq evdə olduğum vaxtlar qıl bilərəm. Nə etməliyəm?
Cavab: 

Va aleykum Salam. Namazın vaxtları saytımlzda var. Əgər ümumiyyətlə oturaraq namaz qılmaq da mümkün deyilsə, iş günlərində Zöhr namazı ilə birlikdə Əsr namazını da qılın. Məğrib və İşa namazlarını isə evdə rahat şəkildə qıla bilərsiniz. Həmçinin oxuyun:

Namaz vaxtı girəndən sonra heyz olan qadın təmizləndikdən sonra həmin namazı qəza etməlidirmi?

    03.07.2023
Sual: 
Salam Aleykum. Bir sual vermək istəyirəm, üzrlü sayın. Əgər namaz vaxtı girəndən sonra heyz olarsa, o namaz qəza sayılır? Yəni hələ namazən vaxtı girəndən çıxmamışa qədər heyz olur, amma hələ namaz qılınmayıbsa,vaxt olduğuna görə qəza olur? Şam namazı idi, vaxtın çıxmasına yarım saat qalırdı Allah razı olsun
Cavab: 

Va aleykum Salam. Əgər bir namazın vaxtı girərsə və qadın həmin namazı qılmağa imkanı olduğu halda gecikdirərsə və bu əsnada heyz olarsa, təmizləndikdən sonra bu namazı dərhal qəza etməlidir. Ətraflı oxuyun:

Nə üçün bəzi məzhəblər İşa namazından sonra iki rükətdən artıq sünnət namazı qılırlar?

    02.07.2023
Sual: 
Salam.ne ucun henefiler iwa namazinda sunneti ikiden cox qilirlar
Cavab: 

Va aleykum Salam. İşa namazından sonra Peyğəmbərin (ona Allahın salavatı və salamı olsun) gün ərzində çox vaxt qılıb nadir hallarda tərk etdiyi iki rükət sünnə namazı qılınır. Lakin İşa namazından sonra bəzən dörd rükət sünnə namazı qılınmasına da dəlillər var.

Namaza yeni başlamaq istəyən kəs qüsl almalıdırmı?

    02.07.2023
Sual: 
Salam. Namaz qılmağa başlamaq niyyətindəyəm, inşaAllah. Allah nəsib etsin. Namaz qılmaqla əlaqəli videolarınızı da izləmişəm, çox kömək oldu. Allah sizlərdən razı olsun. Sadəcə başlamazdan öncə bəzi şeyləri özüm üçün dəqiqləşdirmək istəyirəm. Namaz qılmağa başlamazdan əvvəl qüsl alınmalıdır. Bu qüslun alınma qaydası necədir? Əgər sabah namaz qılmağa başlayacamsa, gecədən qüsl alıb yatmaq və səhər durub dəstəmaz alıb namaza başlamaq olarmı? Bir də dəstəmazdan və hər namazdan öncə niyyət etmək lazımdır mi? Öncədən təşəkkürlər.
Cavab: 
Və aleykum salam. Namaza başlamanız münasibəti ilə sizi təbrik edirik, Uca Allaha dua edirik ki, sizi sabit etsin və sevdiklərinizlə birlikdə Cənnətə daxil etsin! Namaz qılmağa yeni başlayan insanın qüsl alması məsləhətdir.

Bir fərz namazını qıldıqdan sonra camaata qoşulub ikinci dəfə həmin namazı qılmaq olarmı?

    01.07.2023
Sual: 
Salam Aleykum. Zöhr ferz namazını qıldıqdan sonra eger camaat toplaşıbsa onlarla da ferz namazı olaraq yeniden qılmaq olarmı?
Cavab: 

Va aleykum Salam. Bir fərz namazını ikinci dəfə qılmaq icazəli deyil. İkinci camaata nafilə niyyəti ilə qoşulub qılmaq icazəlidir. 

Sübh namazını müəyyən səbəbdən qəzaya saxlamaq olarmı?

    13.04.2023
Sual: 
Salam mən namaza 2 ay olar başlamışam.Amma namax vaxtlarına baxitam aprel , may ,iyun aylari ucun.Subh namazinin vaxti gece 4-5 arasidi.men ise ister istemez destemaz alanda anami oyatmis olacam .anam ise isine gore gec yatir ve az yatir. ve elediki yatanda birde oyana bilmir .sirf buna gore men ne edim? istemirem onu oyadim .amma subh namazini buna gore qezaya salsam problem olar?
Cavab: 
Va aleykum Salam. Səbəbsiz olaraq Sübh namazını qəzaya saxlamaq günahdır. Odur ki, çalışın Sübh namazını vaxtında qılasınız. Həmçinin oxuyun:

Əsr və Məğrib namazlarını qılmayan İşa namazını qıla bilərmi?

    13.04.2023
Sual: 
Salam men bilmek isteyirem meselen Sübh NAMAZını ve Zöhr NAMAZını qılıb Esr ve Meģrib NAMAZını qıla bilmeyib sonra İşa NAMAZı vaxtını qılmaq nece olar?
Cavab: 

Va aleykum Salam. Namazları səbəbsiz yerə qılmamaq böyük günahdır. Buna görə tövbə etmək lazımdır. Əgər üzrlü səbəbdən qılınmayıbsa, o halda İşa namazından əvvəl bu namazlar qəza edilir. Sonra İşa namazı qılınır. Ətraflı oxuyun:

Əməliyyat olduğu üçün qüsl və dəstəmaz ala bilməyən kəs namaz qılmaq üçün nə etməlidir?

    13.04.2023
Sual: 
Salam aleykum men namaza baslamaq istiyirem lakin qarnimdan emeliyat olduqum ucun qusul destamaz ala bilmirem nece eliyim deyin zehmet olmasa
Cavab: 
Va aleykum Salam. Xəstəlik səbəbindən qüsl və dəstəmaz ala bilməyən kəs sağalana qədər təyəmmüm edib namazlarını qılır. Bu barədə ətraflı oxuyun:

Pages