namaz

Öldükdə cənazə namazı qılınmamış şəxsə sonradan cənazə namazı qılmaq olarmı?

    29.04.2022
Sual: 
Salam aleykum. Əgər bir nəfərə cənazə namazı qılınmayıbsa və üstündən 7-8 il keçibsə, həmin adama cənazə namazı qılmaq olar?
Cavab: 

Va aleykum Salam. Müsəlman insan vəfat etdikdə ona cənazə namazı qılmaq "Fardu-Kifayə"dir, yəni əgər bir qrup insan ona cənazə namazı qılmışsa, digər müsəlmanlara vacib olmur.

Dördrükətli camaat namazının 2-ci rükətinə qoşulan səhv səcdəsi etməlidirmi?

    29.04.2022
Sual: 
Salam aleykum. 4 rukətli camaat namazına 2-ci rukətdə çatsam, camaat 3-cü rukətdə olanda, mənim üçün 2-ci rükətdi, amma təşəhhüd oxumag olmur, əksinə, mən 1 və 3-cü rükətdə təşəhhüddə oturmalı oluram. Axırda səhf səcdəsi lazımdırmı?
Cavab: 

Va aleykum Salam. Dördrükətli camaat namazının 2-ci rükətinə çatan imama tabe olub üç rükəti icamaatla qılır, imam salam verdikdən sonra qalxıb 4-cü rükəti tamamlayır, sonda təşəhhüd deyib salam verir, səhv səcdəsinə isə ehtiyac yoxdur. Həmçinin oxuyun:

Spirtli içki içən şəxs hansı müddətdən sonra namaz qıla bilər?

    29.04.2022
Sual: 
Salam Aleykum Menim dostum var spirtli içki içib, İndi O neçe vaxtdan sonra namaz qılmalıdır. Yeni men bildiyme göre Bir müddet zaman keçmelidir zamanaın bilirsinizse deyerdiz zehmet olmasa
Cavab: 

Va aleykum Salam. İçki içən şəxs dərhal tövbə etməli və namazlarına davam etməlidir. Lakin əgər içki içən şəxs nə dediyini anlamayacaq dərəcədə sərxoş olarsa, sərxoşluğu keçənə qədər gözləməlidir.

Səsli namazları səssiz qılmaq olarmı?

    28.04.2022
Sual: 
Salam aleykum subh namazi megribin ilk iki ruketi birde isa namazinin ilk iki ruketi sesli qilinir.bir sohbet sirasinda esitdim ki butun namazlar sessiz qilmaq olar bu dogrudurmu? Evvelceden tesekkurler
Cavab: 
Va aleykum Salam. Sübh namazını, habelə Məğrib və İşanın ilk iki rükətini səsli qılmaq müstəhəbdir. Yəni, bu namazları səssiz də qılmaq olar, lakin sünnəyə tabe olub namazları Peyğəmbərin (Allahın ona və ailəsinə salavatı və salamı olsun) qıldığı kimi qılmaq daha fəzilətlidir.

Qurandan çox bilən deyildikdə, əzbərdən çox bilən, yoxsa təfsirini çox bilən qəsd olunur?

    28.04.2022
Sual: 
Salam aleykum. Qurandan çox bilən deyildikdə, əzbərdən çox bilən, yoxsa təfsirini çox bilən qəsd olunur?
Cavab: 

Va aleykum Salam. "Qurandan ən çox bilən namazda imam durmağa ən çox layiqdir" dedikdə, Quranı əzbər bilən nəzərdə tutulur. 

Namazı oturaraq qılan imama tabe olanlar namazı necə qılmalıdırlar?

    28.04.2022
Sual: 
Ssalam aleykum. Həyat yoldaşım səhər və axşam növbəsində işləyir və namaz qılmağa halı olmadığı üçün namazı oturaraq qılır. Evdə oturaraq namaz qıldığı zaman onunla birlikdə mənim oturaraq namaz qılmağım daha üstündür, yoxsa o namazı bitirdikdən sonra qılmağım?
Cavab: 

Va aleykum Salam. Üzürlü səbəbdən oturaraq namaz qılan imamın arxasında namaz qılmaq icazəlidir və bu daha əfzəldir.

Evdə geyinilən başmaqla ayaqyoluna daxil olmaq olarmı?

    28.04.2022
Sual: 
As salam aleykum.Yoldaşıma ve qaynanama evde geyinilen ev başmağı ile ayaqyoluna ve hamama girmeyi tergize bilmirem.Halbuki her ikisi namaz ehlidir.Ve o başmaqlarla bütün evi dolaşırlar, namaz qılınan yerden başqa.Deyirem ora murdardır(baxmayaraq her gün yuyulur), orada cinler, şeytanlar çox olur, dinlemirler.Çox xahiş edirem sizde deliller varsa mene bu pis verdişi onlara tergizmekde kömek edesiniz
Cavab: 

Va aleykum Salam. Namazın Allah qatında məqbul sayılması üçün tələb olunan şərtlərdən biri də namaz qılınan yerin murdar şeylərdən pak olmasıdır. Çalışın yoldaşınıza və qayınananıza bunu gözəl şəkildə izah edəsiniz. Ətraflı bu cavabları oxuyun:

İt saxlanılan evə qonaq getmək və bu evdə namaz qılmaq olarmı?

    28.04.2022
Sual: 
Salam aleykum. Əger bizi qohumlarımız qonaq çağırıblarsa, amma evlərində it var, o eve getmek olar? Orda namaz qılmaq olar? İti başqa otağa salıblarsa, axı biz bilmirik biz namaz qılan yerdə və ya oturduğumuz yerdə o it olub ya olmayib, zəhmət olmasa bu barədə məlumat verərdiz.
Cavab: 

Va aleykum Salam. İt saxlanılan evə getmək qadağan olmasa da, müsəlman özünü itin ağız suyuna bulaşmaqdan qorumalıdır. Namaza gəlincə əgər namaz qıldığınız yerə itin nəcisi, sidiyi və ya ağız suyu dəyməyibsə, bu yerdə namaz qıla bilərsiniz.

Namaz əsnasında qibləyə üz tutmaq barədə şübhə gələrsə, namazdan çıxmaq lazımdırmı?

    28.04.2022
Sual: 
Salam aleküm. Evdə namaz qılanda qiblə haqda namazın içində çübhəyə düşdükdə, namazı dayandırıb qibləni düz tapmaq lazımdır, yoxsa namaza davam etmək lazımdır?
Cavab: 
Va aleykum Salam. Qibləyə tərəf çevrilmək namazın doğru sayılması şərtlərindən biridir. Şərtlərə isə namaza başlamamışdan əvvəl əməl etmək lazımdır. Odur ki, namaza başlamamışdan əvvəl qibləni müəyyən etməyə çalışın.

Sübh namazının çıxmağına az qalmış yuxudan oyanan təyəmmüm edib namaz qıla bilərmi?

    28.04.2022
Sual: 
as-Salamu aleykum. Sübh namazına oyandıqda görürsən ki, 5 dəqiqəyə vaxtı çıxacaq, dəstəmaz alsam gecikəcəm, təyəmmüm almaq olar elə anda?
Cavab: 

Va aleykum Salam. Belə vəziyyətdə namazın vaxtı çıxmış olsa belə dəstəmaz almalısınız. Belə halda təyəmmüm etmək olmaz. Həmçinin oxuyun:

Pages