namaz

Sübh namazını vaxtı girən kimi qılmaq olarmı?

    02.11.2022
Sual: 
Salam aleykum. Misal ucun subh namazi saat 04:35 daxil olur nece deyqeden sonra qilmaq meslehetdir. Ve mekkede subh namazi daxil olduqdan nece deqiqe sonra qilinir
Cavab: 

Va aleykum Salam. Sübh azanı daxil olduqdan sonra ehtiyat üçün 5-10 dəqiqə gözləyib sonra namazı qılmaq məsləhət görülür,  çünki dövrümüzdə çox vaxt dan yerinin sökülməsini gözlə görmək mümkün olmur və namazın vaxtları namaz təqvimlərinə əsaslanır. Təqvimlər isə bir neçə dəqiqə fərqli ola bilər.

Rusiyaya ezamiyyətə gedən səfər namazı qıla bilərmi?

    26.10.2022
Sual: 
Salam. Rusiyanın Arxangelsk şəhərinə ezamiyyətə gedən səfər namazı qıla bilər?
Cavab: 

Va aleykum Salam. Əgər qalacağınız müddət bəllidirsə və uzundursa, həmçinin rahatlıq varsa, namazları tam şəkildə qılmalısınız. Əgər qalacağınız müddət bilinmirsə və ya qısa (dörd gündən az) müddətə getmisinizsə namazları qısaltmağınız yaxşıdır.

Namazın həm birinci, həm də ikinci rükətlərində İxlas surəsini oxumaq olarmı?

    26.10.2022
Sual: 
Salam Aleykum. Men Namaz qılanda 1ci rüketdede 2ci rüketde de Fatihe suresinden sonra İxlas suresi deyirem. Amma etrafımda Namaz qılan yaxınım var oda menim kimi Namaz qılır( sünni Namazı) Amma o deyirki 1 ci rüketde Fatiheden sonra İxlas suresi deyil başqa bir sure oxumalısan(Mes:Feleq ,Nas,Kovser).
Cavab: 

Va aleykum Salam. Birinci və ikinci rükətlərdə əl-Fatihə surəsindən sonra istənilən surəni oxuya bilərsiniz. Hər iki rükətdə əl-Fatihə surəsindən sonra əl-İxlas surəsini oxumağın məkruh və ya qadağan olunması barədə dinimizdə heç bir dəlil yoxdur.

Hansı namaz daha düzgündür, şiə namazı, yoxsa sünni namazı?

    24.10.2022
Sual: 
Salam. Yoldaşım şiə namazı qılır, mən sünni. Yoldaşım birbaşa deməsə də, dolayı yolla mənim də şiə namazı qıkmağımı istəyir. Uşaqlarımız həddi buluğa çatıblar. . Onlar hansı namazı qılmaqlarlnı özləri seçim edə bilərlərmi?Mən günah edirəmmi?
Cavab: 

Va aleykum Salam. Bu cavabları oxuyun:

Sünni doğrudur, yoxsa şiə?
Sünni namazı, yoxsa şiə namazı dinimizə daha uyğundur? 

Bir il ərzində qıldığı namazlarda bilmədən birinci təşəhhüdü deməyən kəsin qıldığı namazlar qəbul olunurmu?

    22.07.2022
Sual: 
Salamu Aleykum . Mən bir ildən çoxdurki namaz qılıram amma bu yaxınlarda öyrəndimki 2-ci Rükətin son səcdəsindən sonra Əttəhiyyatu duasını oxumurdum . Sizcə indiyə qədər qıldıqım namazlar hamsı batil olubmu?
Cavab: 

Va aleykum Salam. Uca Allah bu ümmətə səhvən və unudularaq edilən günahları bağışlayır. Uca Allah buyurur: "Səhvən (bilmədən) etdiyiniz əməllərdə sizə heç bir günah yoxdur. Lakin qəlbinizin qəsdlə etdiyi işlərdən ötrü (sizə günah var).

Namazı vaxtı girən kimi tək qılmaq daha yaxşıdır, yoxsa camaatla qılmaq üçün gecikdirmək?

    21.07.2022
Sual: 
Salam aleykum. İş yerində namazın vaxtının əvvəlində tək qılmağım yaxşıdır, yoxsa namazın vaxtının axırında camatla qılmaq?
Cavab: 

Va aleykum Salam. Namazı camaatla qılmaq məqsədilə vaxtı çıxmadan gecikdirmək daha fəzilətlidir. Peyğəmbər (Allahın ona salavatı və salamı olsun) demişdir: "Camaat namazı tək qılınan namazdan iyirmi yeddi dərəcə üstündür" (Buxari: 2/ 131/ № 647. Müslim: 1/ 450/ № 650)

Pages