Va aleykum Salam. Sübh namazının azanı ilə digər namazların azanı arasında fərq budur ki, Sübh namazının azanında "Həyyə aləl-fələh" (xilas olmağa tələsin!) cümləsindən sonra iki dəfə "Əssalətu xayrun minən-nəum" (namaz yatmaqdan daha xeyirlidir) cümləsini demək müstəhəbdir.
Va aleykum Salam. Əgər corab şəffafdırsa və ayağın dərisi görünürsə, bu coraba məsh çəkmək olmaz. Həmçinin oxuyun:
Va aleykum Salam. Əgər çətinlik yoxdursa, səfərdə namazları öz vaxtında amma qısaldılmış şəkildə (dörd rükətli namazları iki rükət) qılmaq daha yaxşıdır.
Va aleykum Salam. Namazları tərk etmək həlak edən günahdır. Dərslərlə əlaqəli çətinlik yarandıqda namazlarınızı şəriətə uyğun şəkildə cəm edə bilərsiniz. Ətraflı bu cavabları oxuyun:
Va aleykum Salam. Bu şəkildə niyyət etmək nəzir sayılır. Şəriətə görə Allaha yaxınlaşdıran ibadətlərlə (oruc, namaz, sədəqə, qurban və.s buna bənzər əməllərlə) niyyət, şəriət dilində desək nəzir etmək olar. Nəzir edilən ibadətlər niyyət edildiyi kimi yerinə yetirilməlidir.
Va aleykum Salam. Namaz elə bir ibadətdir ki, ağıl başda olduğu müddətdə, istənilən halda və vəziyyətdə bu ibadəti yerinə yetirmək vacibdir. Əgər qüsl almaq mümkün deyilsə və ya xəstəlik səbəbindən qüsl almaq sağlamlığa zərər verə bilərsə, bu halda təyəmmüm edib namazları qılmaq lazımdır.
Va aleykum Salam. Ümumiyyətlə İslam dinində ibadətlərin necəliyinin səbəbi barədə sual vermək düzgün deyil. Çünki ibadətlər Uca Allah tərəfindən buyurulmuşdur və bu ibadətlərin necəliyinin hikmətini yalnız O bilir.
Va aleykum Salam. Məscid - daimi olaraq beş vaxt namaz qılınması üçün ayrılmış yerlərdir. Məscidlər insanlara namaz qılmaq üçün vəqf edilmiş yerlərdir. Vəqf – bir şeyin əslini (özünü) saxlayıb, mənfəətini Allah yolunda xərcləməyə deyilir.