Salam aleykum. Digər vaxtlarda edilməsi icazəli olan əməllərin hamısını hamilə vaxtı da etmək olar. Yalnız heyz (aybaşı) və nifas (doğuşdan sonrakı qanaxma) vaxtlarında bəzi əməlləri etmək qadağandır.
Salam aleykum. Bizim o cür deməyimiz mümkün deyil, çünki hicab Uca Allahın qadınlara vacib buyurduğu əmridir. Həmçinin, peyğəmbərlər hamısı kişi olublar, biz necə deyə bilərik ki, hicabı peyğəmbərlər geyinməlidir? Hicab geyinmək bütün qadınlara vacibdir, Allahın izni ilə tezliklə hicab geyinin.
Aleykum salam. Heyzli qadın Uca Allahı zikr edib, hətta Quranı əlinə almadan əzbərdən oxuya da bilər. Bu ona görədir ki, əzbər bildiklərini unutmasın. Qadının o halda Quranı əlinə alıb oxuması qadağan edilir. Bu ərəbcə Qurana aiddir, mənaca tərcüməsini isə oxumaq olar.
Aleykum salam. Qeysəriyyə -- təbii doğuşun təhlükəli olduğu hallarda ananın qarın divarının yarılaraq uşağın götürülməsi əməliyyatıdır.
Aleykum salam. Cavabı buradan oxuyun: Rəngarəng hicablar və dəbli paltarlar geyinmək olarmı?
Aleykum salam. Cavabı buradan oxuyun: Hicablı qadın evdən çölə çıxarkən makiyajdan istifadə edə bilərmi?
Salam aleykum. Saçları kəsdirmək günah deyil. Amma həddindən artıq qısa kəsərək kişiyə bənzəmək haramdır. Əbu Sələmə (Allah ondan razı olsun) rəvayət edir ki: "Peyğəmbərin (salləllahu aleyhi və səlləm) zövcələri öz saçları qulaq mərcəyinə qədər azaldardılar". (əl-Buxari, 248; Muslim, 320).
Aleykum salam. Heyz (aybaşı) və nifas (doğuşdan sonra axan qan -- ən uzun müddəti qırx gün olur) olan qadın buraxdığı günlərin qəzasını qılmır. Həmçinin islamda keçmiş illərin qəza namazları anlayışı yoxdur. Namaz qılan müsəlman çalışmalıdır ki, namazları vaxtlı-vaxtında qılsın.
Aleykum salam. Naməhrəmə toxunmaq haram olsa da, dediyiniz kimi zərurət hallarında buna icazə verilir. Peyğəmbərimiz (salləllahu aleyhi və səlləm) buyurmuşdur: "Həqiqətən, Allah mənim ümmətimə bilməyərəkdən, unutqanlıqdan və məcburiyyət qarşısında etdiklərini bağışlamışdır".