Aleykum salam. İçki və musiqi olan məclislərdə iştirak etmək günahdır. Bu işdən tövbə etməkdə düz iş tutmusunuz. Uca Allahdan sizi əfv etməsini və bu dində sabit etməsini diləyirik!
Aleykum salam. Dinimizə görə kəbini geri oxutmaq anlayışı yoxdur. Kəbinin pozulması, yəni boşanma ərin öz zövcəsinə "səni boşadım" və ya bu mənada olan sözlər deməsi ilə baş verir. Dinimizə görə kəbin yalnız ərin razılığı ilə pozula bilər.
Və aleykum salam. Günah etdikdən sonra tövbə edən şəxs, etdiyi günahları gizlətməlidir və etdiyi günahı kiməsə danışması icazəli deyil. Peyğəmbərimiz (Allahın ona və ailəsinə salavatı və salamı olsun) demişdir: "Ümmətimin hamısı əfv ediləcək. Yalnız günahlarını yayanlardan başqa.
Aleykum salam. Uca Allah boşanmanı bir-biri ilə yola getməyən, birlikdə yaşamaları mümkün olmayan və bir yerdə qalmaları daha böyük fəsada səbəb olan cütlüklər üçün çıxış yolu olaraq təyin etmişdir. Dinimiz boşanma ixtiyarını ərə vermişdir.
Va aleykumus-sələm. Bibioğlu ilə dayıqızı bir-biri üçün məhrəm sayılmadığına görə evlənə bilərlər.
Əssələmu aleykum. Kişi öz həyat yoldaşı ilə analdan olmamaq şərti ilə buyurulan yerdən istədiyi vəziyyətdə cinsi əlaqədə ola bilər. Uca Allah buyurur: "Qadınlarınız sizin tarlanızdır. Tarlanıza nə təhər istəyirsinizsə, yaxınlaşın" (əl-Bəqərə, 223).