namaz

Bir ay buraxdığım namazların yerinə sədəqə verə bilərəmmi?

    10.09.2019
Sual: 
Salam, müəyyən səbəblərə görə 1 ay sübh namazından başqa qalan namazlar qəzaya qaldı qıla bilmədim.Qəza qalmış namazların yerinə kiməsə sədəqə vermək olar və nə qədər?Yoxsa qəzaları qılmalıyam?
Cavab: 

Va aleykum salam. Bilərəkdən fərz namazları buraxmaq böyük günahdır. Buraxılan fərz namazların heç bir əməllə əvəzi verilə bilməz. Buna görə tövbə etmək və bir daha bu günaha qayıtmamaq lazımdır.

Rüku və səcdəyə aid olan zikrlərə digər zikrləri əlavə etmək olarmı?

    10.09.2019
Sual: 
Salam men namaz qilarken ruku ve secde ederken 3 defe SubhanAllah deyib sonra 1 defe de Sunhana rebbiyyel ela ve ya ezimi bihemdim deyirem bu duzgundurmu?
Cavab: 

Va aleykum salam. Namaz qılarkən rüku və səcdədə deyilən zikrlər səhih hədislərdə Peyğəmbər tərəfindən bildirilmişdir. Yaxşı olar ki, namaz qılan bu zikrləri buyurulduğu kimi desin və onlara bir şey əlavə etməsin, yaxud onlardan bir şey əskiltməsin.

Hədis kitablarında "Allah üçün alnını torpağa qoy" ifadəsi barədə nə deyə bilərsiniz?

    09.09.2019
Sual: 
Allahdan ötrü alnını torpağa qoy.'' Bu hədisi də ''Səhihi Müslüm'' (c. 1, səh.371), ''Səhihi Buxari'' (c. 1, səh.91), ''Sünnəni Beyhəqi'' (c. 1, səh.212), ''Sünnəni Nəsai'' (c. 1, səh.210), bu barede ne deye bilersiniz?
Cavab: 
Salam aleykum. Qeyd etdiyiniz mənbələrdə və digər hədis kitablarında belə bir hədis yoxdur. Hədislərdə yalnız yerə səcdə etmək əmr olunur. Yer dedikdə isə üzərində olduğumuz hər şey nəzərdə tutulur.

İki və üç rükətli namazda təşəhhüd necə deyilir və əl-İxlas surəsi neçə dəfə oxunur?

    07.09.2019
Sual: 
Salam. 2ve 3ruketli namazda tesahuf nece deyilir ? Ve 2ruketli namazda ixlas suresi nece defe oxunur?
Cavab: 

Və aleykum Salam. Təşəhhüdü nəzərdə tutursunuzsa, təşəhhüd iki rükətli namazlarda yalnız axırıncı rükətdə, üç rükətli namazlarda ikinci və üçüncü, dörd rükətli namazlarda isə ikinci və dördüncü rükətlərdə deyilir. Daha ətraflı:

Namaz təqvimlərində Əsr namazının vaxtının bir saat fərqli olmasının səbəbi nədir?

    04.09.2019
Sual: 
Salam alekum nə üçün əsr namazının vaxtı digər cədvəllərlə təxminən bir saat fərq edir siz nəyə əsasən əsr namazının vaxtını təyin edirsiz çünkü çaş-baş qalmışam hansı düzdür əvvəlcədən çox sağ olun
Cavab: 

Va aleykum salam. Namaz cədvəllərində Əsr namazının vaxtının fərqli olmasına səbəb Əbu Hənifə məzhəbi ilə digər məzhəblər arasında Əsr namazının daxil olma vaxtının fərqli olmasıdır. Belə ki, əksər alimlərin rəyinə görə Əsr namazının vaxtı Zöhr namazının vaxtı çıxan kimi daxil olur.

Namazı bir müddət tərk edən onların qəzasını necə qılmalıdır?

    03.09.2019
Sual: 
Salam bayramınız mübarək.xaos edirəm cavab yazasız.men namazı bəlkə 4,5 ay olar qəzaya vermisəm.ve çox olduğuna qəzalar qılıb qurtara bilmirəm.men necə edim və bir şeyi bilmək istəyirəm ki,qəza namazını nə vaxt qılmalı meselen sübhün qəzasin sübh namazı vaxtı zohrun qezasin zöhr namazı vaxtı zohrun qılanda sora qəzasin qılmaq?belə edim ?indinden təşəkkürlər.
Cavab: 

 Va aleykum salam. Səhlənkarlıq üzündən tərk olunan namazlar qəza edilmir. Yalnız yatıb qalmaq və unutmaq kimi üzürlü səbəbdən buraxılan namazlar qəza edilir. Bilərəkdən buraxılan namazlar üçün Allaha tövbə edin və bir daha bu günaha qayıtmayın.

Pages