Aleykum salam. Əgər əlləriniz quruyarsa, yenidən isladıb məsh çəkə bilərsiniz.
Və aleykum Salam. Şəriətə görə uşağın nəcisini təmizləmək və yumaq dəstəmazı pozmur. Nəcis dəyən hissəni və ya əlləri yumaq kifayətdir.
Aleykum salam. Bacardığınız şəkildə dəstəmaz alıb səcdə edin. Əgər ümumiyyətlə heç bacarmırsınızsa, onda təyəmmüm edin və sınmayan qolunuz üzərinə səcdə edin.
Aleykum salam. Əgər qüsl almağa heç bir maneə və çətinlik yoxdursa, bu zaman qüsl almaq vacibdir. Təyəmmümü yalnız xəstəlik təhlükəsi, su tapmadıqda və ya buna bənzər hallarda almaq olar.
Aleykum salam. Pişiyə görə nə dəstəmaz, nə də namaz pozulmur.
Aleykum salam. Dəstəmaz əsnasında həmin yerin üzərinə əlinizi isladıb yüngülcə sürtün. Əgər bu da mümkün deyilsə, bacardığınız şəkildə dəstəmaz alın. Allah Təala buyurur: "...Allah hər kəsi yalnız onun qüvvəsi çatdığı qədər mükəlləf edər...". (əl-Bəqərə, 286).
Salam aleykum. Yoldaşınızın qüsl almamasına görə sizə heç bir günah yazılmır və ibadətinizə də heç bir mənfi təsir göstərmir.
Aleykum salam. Biz bu sualı cavablandırmışdıq. Boynunuzda qüsl varsa, kitabdan və ya telefondan Quran oxuya bilmərsiniz. Siz mütləq qüsl alıb oxumalısınız.
Aleykum salam. Qüslsuz Quran oxumaq olmaz.
Aleykum salam. Əlhəmdulilləh yaxşıyıq. Allah razı olsun. Maykada və ya hər hansı bir geyimdə dəstəmaz almaq olar. Təhəccüd namazı, yəni gecə namazı işa namazından sonra sübh namazının vaxtına qədər qılmaq olar. Lakin onun ən fəzilətli vaxtı gecənin son üçdə birində qılmaqdır.