İçkili adamın namaz qılınan otağa daxil olması günahdırmı?
Sual:
namaz qilinan otaqa icki icen adam girmesi gumadir
Cavab:
Salam aleykum. İçki içən adamın namaz qılınan otağa daxil olması günah deyildir.
namaz
Cinsiyyət orqanından ifraz olunan rəngsiz maye qüslu və orucu pozurmu?
Sual:
Salam. Mən sübh əzanından sonra gündüz vaxtı şəhvani yuxu gördüm, oyananda quru idim. Amma sonra ayaqyoluna gedəndə çox az miqdarda rəngsiz və sürüşkən bir şey ifraz olundu. Görəsən bu hal qüslu gərəkdirir? Qeyd edim ki, namaz qılmıram amma orucluyam. Sualı orucuma bir maneə gətirib-gətirmədiyinə, pozub-pozmadığını soruşuram.
Gözləyib orucumu açandan sonra qüsl ala bilərəm, yoxsa elə bu dəqiqə qüsl almalıyam?
Cavab:
Aleykum salam. Qeyd etdiyiniz maye şəriət elmində "məzi" adlanır və o, qüsulu yox, yalnız dəstəmazı pozur. Bu maye murdar sayılır və Peyğəmbər (Allahın ona və ailəsinə salavatı və salamı olsun) cinsiyyət orqanlarının bu mayedən yuyulub təmizlənməsini əmr etmişdir.
Namazı xəstəlik səbəbindən tərk etdiyim üçün günah qazanırammı?
Sual:
Salam,mən namaza təzə başlamışdım ama məndə xəstəlik səbəbindən(qan azlığından) namazda səcdəyə əyilən vaxt huşumu itirdiyim üçün namazı tez yarıda buraxıram.Və namazı hələlik ümumiyyətlə buraxıb müalicə alıram .Bunun günahı varmı?
Cavab:
Aleykum salam. Heç bir halda namazı buraxmaq olmaz. Uca Allah xəstə üçün namazı asanlaşdırmışdır. Xəstəlik və ya soyuq hava şəraiti olduqda dəstəmazın əvəzinə təyəmmüm almaq olar. Xəstəlik səbəbi ilə ayaq üstə qıla bilmədikdə oturaraq, otura bilmədikdə isə uzanaraq namaz qılın.
Səssiz namazlarda hansı sözlər səslə deyilir?
Sual:
Salam aleykum.Sualim beledir eger namazi tek qiliriamsa hansi sozlerini sesle deyirem meselen semi ALLAHI limen hemiden ve sayir bulari adin azardizda zehmet olmasa ancaq sessiz namazlari deyirem hansi sozler sesle deyilir namaz tek qilinirsaa ALLAH razi olsun
Cavab:
Aleykum salam. Əgər tək qılırsınızsa, bütün sözlər səssiz oxunur. Yəni dodaqlar tərpənərək yavaşca oxunur.
Qadın corabsız namaz qıla bilərmi?
Sual:
salam qadin corabsiz namaz qila bilermi
Cavab:
Aleykum salam. Əgər paltarı uzun olub ayaqlarını örtsə, bu zaman corabsız namaz qıla bilər. Lakin paltar qısa olarsa, corab geyinməsi zəruridir. Ümumən islama görə qadının üzü və əllərindən (biləklərə qədər) başqa bütün bədəni övrət yeri sayılır.
Təhəccüd namazı haqda yaza bilərsinizmi?
Sual:
Salam aleykum. Teeccud namazi saat necede qilinsa daha yaxsidi ve onu hec yatmadan qilmag olar? Men 2 ruket qiliram duzdu?
Cavab:
Aleykum salam. Təhəccüd namazı gecə namazıdır. Gecə namazını işa namazından sonra sübh namazının vaxtına qədər qılmaq olar. Lakin onun ən fəzilətli vaxtı gecənin son üçdə birində qılmaqdır.
Sübh namazının qəzası necə qılınır?
Sual:
Salam Aleykum, Subh namazının qezası nece qilinir? və sesi qilinir yoxsa sesiz? bu haqda cavab yazın, Allah razı olsun.
Cavab:
Aleykum salam. Sübh namazına oyanmamaq səbəbi ilə namazı buraxan yuxudan oyandıqda dərhal namazı qılmalıdır. Peyğəmbər (salləllahu aleyhi və səlləm) belə demişdir: "Kim namaza yatıb qalarsa və ya (namaz qılmağı) unudarsa, yadına düşən kimi qılsın!
3-cü və 4-cü rükətlərdə əl-İxlas surəsini oxumamaq düzgündürmü?
Sual:
salam.4ruketli namazlarda o duzduki 3cu ve 4cu ruketde ixlas suresi deyilmir?
Cavab:
Və aleykum Salam. 3-cü və 4-cü rükətlərdə Fatihədən başqa surə oxunmur. Daha ətraflı: Namazın 3 və 4-cü rükətlərində Fatihədən sonra əlavə surə oxumaq olarmı?
Deyilənə görə təzə evlənənlər qırx gün namaz qılmaya bilərlər. Bu doğrudurmu?
Sual:
Salam Aleykum men esitmisem ki teze evlenmis aile 40 gun muddetinde namaz qilmaya biler bu haqda delil ve hedisler var?
Cavab:
Aleykum salam. Fərz namazlarını heç bir halda bir gün belə buraxmaq olmaz. Çünki Peyğəmbər (salləllahu aleyhi və səlləm) xəstə olarkən belə heç vaxt namazları buraxmamışdır.
Namazları gündə bir dəfə dörd rükət qılmaq olarmı?
Sual:
Salam. Namazı günde 1 defe qılmaq, yeni Allah yolunda her gün 1 defe olarmı. 4 roket. Evvel qıldım, indi 2 uşağım var. Balacadılar. İndi başlamak istiyirem
Cavab:
Aleykum salam. Fərz namazları gündə beş dəfə qılınmalıdır. Bir dəfə qılmağa icazə verilmir. Uca Allah namazı gündə beş dəfə qılmağı vacib buyurur. Ailəli olmağınıza baxmayaraq hər gün, hər namaza 5-10 dəqiqə vaxt ayırmaq mümkündür.