namaz

Qadınlar cümə və adi günlərdə məscidə camaat namazına gedə bilərmi?

    06.02.2014
Sual: 
Salam aleykum. Bildiymize gore kishiler ve oglanlar cume gunu mescid de namaz qilir. Olarmi ki, qadinlar da, qizlar da qilsin tek cume gunu, yox adi gunde bele?
Cavab: 

Aleykum salam. Bəli, olar. Sadəcə, qadına məscidə və ya cümə namazına getmək vacib deyil. Bu, Uca Allahın onlar üçün yaratdığı bir asanlıqdır. Hədislərdən birində Peyğəmbərimiz (Allahın ona və ailəsinə salavatı və salamı olsun) belə buyurmuşdur: "Qadının məscidi evinin küncüdür".

Namaza başladıqda necə niyyət edim?

    06.02.2014
Sual: 
Salam aleykum. Namaza bashlayarken niyyet etdiyimiz zaman, niyyet etdim Allah rizasi uchun Allah yolunda hansı namazı qılıramsa onun adini bashlayiram. Duzgun niyyət edirem?
Cavab: 

Aleykum salam. Ümumiyyətlə niyyət etmək, daxilən bir şeyə qəti qərar vermək, bir işi nə üçün gördüyünü qətiyyətlə bilmək deməkdir. Dini baxımdan isə niyyət etmək, bir işi Uca Allahın əmrinə tabe olmaq və ona yaxınlıq qazanmaq üçün yerinə yetirmək qərarından ibarətdir.

Kimə inanaq?

    05.02.2014
Sual: 
Salam aleykum. Biz sizə nə ücün inanmaliyiq? Bu sualı mən nəyə görə verdim? Onun üchün bu sual mənə maraqlıdır ki, bu gün Islam dini bir nechə firqələrə bölünüb. Bu firqələrdən ən chox yayılan şiə və əhli sünnədir. Hansı ki, ölkəmizdə də məhz bu iki firqə choxluq təşkil edir. Bizə məlumdur ki, bu firqələr bir-birini təsdiqləmir. Ən bariz nümunə namazın möhürlə qılınmasını göstərə bilərik. İmkan daxilində bu meseleye ətrafli aydınlıq gətirməyinizi xahish edirem. Öncədən təşəkkür edirəm.
Cavab: 

Aleykum salam. Bu cavabı oxuyun: Hansı məzhəbə inanaq?

Namazları birləşdirmək olar?

    05.02.2014
Sual: 
Salam aleykum. Mən 4-5 aydır ki, namaza başlamışam. İşlədiyim üçün şam namazına kimi zöhrlə, əsr namazımı qılıram,10-15 deqiqə sonra azan oxunur, bu düzgün sayılırmı? çünki mənim başqa cür imkanım olmur. Saat 12-də fasiləyə çıxıram, 1-de qayıdıram, çatdıra bilmədiyim üçün axşam azanına kimi qılıram.
Cavab: 

Aleykum salam. Zərurət halında, zöhr və əsr yaxud məğrib və işa namazlarını birləşdirib qılmağın heç bir eybi yoxdur. Çalışın adət halına salmayasız. Bu xüsusda Uca Allah buyurur: "Allah hər kəsi yalnız qüvvəsi yetdiyi qədər yükləyər". (əl-Bəqərə, 286).

Saçı açıq halda ibadət etmək olarmı?

    04.02.2014
Sual: 
Salam aleykum. Allaha ibadət edəndə saçı açıq olarmı? Allah sizi cənnətlə mükafatlandırsın.
Cavab: 

Aleykum salam. İbadət dedikdə namazı nəzərdə tutursunuzsa, olmaz. Namaz vaxtı qadının bütün örtünməli olan əzaları bağlı olmalıdır. Ümumiyyətlə qadın nəyin ki, təkcə ibadət zamanı, qadın naməhrəmlər yanında da daim örtükdə olmalıdır. Bu şəriətimizin tələbidir.

Namaz qılmaq istəyirəm, amma qəlbimdə narahatçılıq var

    04.02.2014
Sual: 
Salam aleykum. Mən namaz qılmaq istəyirəm amma içimdə biraz narahçılıq var. Məmim ağlıma belə fikirlər gəlir, namazı haçansa ata bilərəm, bundan qorxuduğum üçün namaz qıla bilmirəm. Bu Şeytan əməli ola bilərmi?
Cavab: 

Aleykum salam. Bəli, belə fikirlər şeytanın vəsvəsələrindən sayılır. Ona görə də vəsvəsələrə fikir verməyərək tezliklə namaza başlayın.

Peyğəmbərimiz və əhli beyti möhürlə namaz qılmayıb?

    02.02.2014
Sual: 
Salam aleykum. Mən bütün sualları və sizin verdiyiniz cavabları diqqətlə oxudum. Bir shey mene qaranliq qaldi. Men ozumde din baresinde oxuyub melumatlaniram. Amma bildiyime gore Peygemberimiz namazi mohurle qilib ve yaxud sehabeler yola chixdiqda bir ovuc torpaq gotururlermiş namaz qilmaq uchun. Yəni biz torpaqdan yaranmishiq torpagada qayidaciq. Peygemberimiz shie ehli olub ve shie ehli mohurle qilib qilmalidi. Allah razı olsun!
Cavab: 

Aleykum salam. Xahiş edirik, dini səhih mənbələrdən öyrənin (Qurani Kərim və səhih hədislər). Peyğəmbərimizin (Allahın ona və ailəsinə salavatı və salamı olsun) dövründə məzhəblər olmayıb, həmçinin şiə məzhəbi. Ümumiyyətlə firqələrə bölünmək qadağandır.

Səcdədə olarkən ürəyindən hər hansı bir fikir keçirmək olarmı?

    01.02.2014
Sual: 
Salam aleykum. Namaz qilarkən insan ürəyindən çox şey keçir arzu istək bunlar günah deyil? Ve namazda səcdəyə gedərək "subhənə rabbiyəl azim" deyəndən sonra səcdədən qalxmadan ürəyimdəki arzumu keçirdə bilərəm? Günah sayılmaz?
Cavab: 

Aleykum salam. Cavabı buradan oxuyun: Namazda olarkən səcdədə dua etmək doğrudur?

Pages