Aleykum salam. Salman ibn Amir əd-Dabbidən (Allah ondan razı olsun) rəvayət edildiyinə görə peyğəmbərimiz belə buyurub: “Sizin hər hansı biriniz iftar etmək istədiyi vaxt orucunu xurma ilə açsın. Xurma tapmasa, su ilə iftar etsin. Su təmizdir”.
Aleykum salam. Əgər yuxuda gələn maye məni (sperma) olubsa və şəhvətlə çıxıbsa, bu zaman oruc yox, qüsl pozulur. Əgər onun çıxması oyaq vaxtı, qəsdən olsa idi, bu zaman oruc da pozulardı. Həmçinin qüslu, dəstəmazı və orucu pozan amillərlə bağlı daha ətraflı bu linkləri oxuyun:
Aleykum salam. Peyğəmbərimiz (salallahu aleyhi və səlləm) vaxtı girən kimi iftar açmağı bizə buyurmuşdur. İftarı hər hansı yüngül qida ilə açıb namaz qılmaq, daha sonra yeməyə davam etmək olar. Həmçinin yemək çox vaxt aparmayacaqsa, yeməyi qurtarıb sonra namaz qılmaq olar.
Aleykum salam. Sizin yaşınızda oruc tutmaq vacib deyil. Ya Allah üçün səbr edib susuzluğa dözüb orucunuzu davam edəcəksiniz, ya bacardığınız qədər tutacaqsınız ya da istəsəniz heç tutmaya da bilərsiniz. "...Allahdan bacardığınız qədər qorxun...". (ət-Təğabun, 16).
Aleykum salam. İmsak sübh namazından bir az əvvəl durub oruc tutmaq üçün səhər çağı yemək yeyilən vaxta deyilir. Buna sahur da deyirlər.
Aleykum salam. Oruclu halda çimmək və ya başı suya tam olaraq salmaq orucu pozmur.
Aleykum salam. Bəli, sahura (oruc üçün səhər yeməyi) durmadan oruc tutmaq olar. Amma sahura durmağınız savab və bərəkət baxımından daha xeyirlidir. Çünki Allah Rəsulu (salləllahu aleyhi və səlləm) buyurub ki: "Sahura durun, həqiqətən sahurda sizin üçün bərəkət vardır".
Aleykum salam. Əlhəmdülilləh, yaxşıyıq. Bəli, oruclu ikən udmamaq şərtilə dodaqlara su vurmaq olar.
Aleykum salam. Cavabı buradan oxuyun: Namaz qılmayıb oruc tutmağım nə dərəcədə düzgündür?