xurafat

Əlimizi və ya hər hansı əşyanı yuduqda salavat deyilməlidirmi?

    23.06.2017
Sual: 
Salam necəsiz Qusul alarkən.dəsdamaz alarkən və ya əl yuyarkən yaxuda hər hansısa birşeyi yuyub 3 dəfə yaxalayarkən salavat demək lazımdırmı Ecelceden çox sağolun Allah razı olsun.?
Cavab: 
Va aleykum Salam. Qüsl və dəstəmaz alarkən, həmçinin hər hansı bir əşyanı yuyarkən salavat deyilmir, bu bidətdir (dində yenilik). Bu cavabı oxuyun: Çirkli bir şeyi yuyanda təmiz olması üçün salavat deyilməsi düzgündürmü?

Pirdən torpaq gətirib su ilə içmək olarmı?

    09.06.2017
Sual: 
Salam menim sualim odurki pirlere gedende eve tutya adiyla getrdiyimiz torpaq su edib iciriy duzgundurmu umumiyyetle torpaq getrmey duzgundurmu eve evvelceden tessekur
Cavab: 

Və aleykum Salam. Pirlərdə Allahdan başqasına dua edildiyi, qurban kəsildiyi və s. şirk əməllər edildiyi üçün ora getmək haramdır. Pirlər müqəddəs deyil, oranın torpağında da heç bir bərəkət yoxdur. Torpağı suya qatıb içmək özünə zülm etməkdir və bədənə ziyandır.

Hamilə qadın icazəsiz bir şey götürüb yesə, gələcək övladı pis yola düşə bilərmi?

    09.06.2017
Sual: 
Salam men hamilə ikən bir şeyi icazesi alıb yemişəm.deyirlerki icazesi alınıb yeyilende ana betnindeki uşaq oglan olsa ogru qız olarsa yolunu azmış olar?bu düzdürmü?ve halallıq ala bilmesem bunu hansısa dua ve ya emelle ede bilerem?
Cavab: 
Və aleykum Salam. Dinimizə görə istəlinən bir əşyanı haqq sahibindən onun icazəsi olmadan mənimsəmək günah sayılır və buna görə tövbə etmək lazımdır. Amma bunun səbəbi ilə gələcəkdə doğulacaq uşaqların pis yola düşəcəyini düşünmək batil və xurafatdır. İnsanın kim olacağını yalnız Allah bilir.

Boşandıqdan sonra kəbini geri oxutdurmaq lazımdırmı?

    09.06.2017
Sual: 
Salam Aleykum. Mənim bir sualım var. Mən ailəli olmuşam və anlaşılmamazlıqdan yollarımızı ayırmışıq. Amma kəbin kağızımız yoxa çıxıb. Belə bir məlumatım var ki, kəbin kağızı geri oxunmadıqca ər və arvad ayrılmış sayılmır. Bu vəziyyətdə biz ayrılmış sayılmırıq? Və necə bu kəbini poza bilərik? Bunuda bildirim ki, yaxında nişanlanacağım birisi var və keçmiş kəbinimin pozulmasında israrçıdır və keçmiş yoldaşımla heç cür bir araya gəlib kəbni pozdurmağıma icazə vermir. Məncə haqqlıdır Sizin məsləhətiniz nədir?
Cavab: 

Və aleykum Salam. "Kəbini geri oxutdurmaq" deyilən bir qayda yoxdur. Siz qarşılıqlı şəkildə razılaşaraq boşanmısınızsa, kəbin kağızının heç bir əhəmiyyəti qalmır və siz boşanmış sayılırsınız.

Kirvə adlı qohumluq şəriətdə varmı?

    04.06.2017
Sual: 
salam! Mən bu saytdan cox razıyam.Axtardigım bütün suallara burada cavab tapıram.Mənim sualım KİRVƏLİKLƏ Baglıdır.Mənim yaxın gohumlarımdan bir nəfər mənə uşaq ücün kirvə durmagımı təklif etdi.Lakin müasir KİRVƏLİYİN şəriət qaydasına uygun olmadıgına görə mən bu təklifdən boyun qacırdım.Aradan xeyli vaxt kecməsinə baxmayar məni bu sual cox narahat edir.Görəsən düzmü etmişəm?Görəsən günah etməmişəm ki?TƏŞƏKKÜR EDİRƏM.ALLAH SİZDƏN RAZİ OLSUN!
Cavab: 

Və aleykum Salam. Şəriətdə kirvə adlı qohumluq əlaqəsi yoxdur. Oğlan uşağını xitan elətdirmək (bu, el içində "sünnət olunmaq" adı ilə tanınıb, çünki mənbəsi Peyğəmbərin sünnəsidir - yoludur) üçün uşağı kiminsə qucağında tutmasına qadağa yoxdur, lakin uşağı tutan adam qohuma çevrilmir.

Oruclu halda pirə getmək günahdırmı?

    02.06.2017
Sual: 
Salam. Oruclu halda 50 km artiq yol qet edib ocaga getsem gunah sayilir?
Cavab: 
Və aleykum Salam. Ocaqlar və ya pirlərdə Allaha şərik qoşulduğu, Allahdan başqasına dua edildiyi, qurban kəsildiyi və nəzir edildiyi üçün ora getmək böyük günahdır. Uca Allah sizin duanızı hər yerdə eşitməyə qadirdir, bunun üçün uzaq məsafə qət etməyə ehtiyac yoxdur.

Pages