ailə

Valideyn övlad üçün sınaq ola bilərmi?

    16.08.2024
Sual: 
Salam. Valideyn övladın sınağı ola bilərmi? Mənim anam mənə çox pis davranır, şəxsiyyətimi alçaldır (uşaqlıqdan sevmədiyini, həmişə iki övlad arasında ayrı seçkilik etdiyini hiss elətdirib) və mən bunlara görə düşünürəm ki, bu Allahın mənə verdiyi bir sınaqdır. Sizcə bu düşüncəmlə günah etmiş oluram, yoxsa dinən belə bir hal mümkündürmü?
Cavab: 

Və aleykum Salam. Ümumiyyətlə, dünyada başımıza gələn hər bir şey sınaqdır. Uca Allah hər insanı bir şeylə imtahan edir. Odur ki, belə düşünməyiniz günah deyil.

Övlad atasının faizlə aldığı evdə yaşaya bilərmi?

    04.08.2024
Sual: 
Salam Aleykum. Menim atam bir ev alıb, amma ev faizle alınıb, 15 illik müddet erzinde her ay pul ödenilir. Ve men bu işe qarşı öz narazılığımı bildirsemde zaten atam öz bildiyini edir. Men bu evde yaşaya bilerem ya yox? Ve ev menim üçün alınıb. Elave olaraq men her ay atamın ödediyi bu borca şerik olub atamin borcunu ödeye bilerem ya yox? Ümumen bele fikirleşende adam işin içinden çıxa bilmir, çünkü elimdeki telefondan tutmuş, evdeki eşyalara qeder atam hamısını faizli kreditle alıb, ve men burda hansı mövqeyi sergileyeceyimi bilmirem.
Cavab: 

Və aleykum Salam. Belə halda sizin üzərinizə düşən atanıza nəsihət etmək və onu bu işdən çəkindirməkdir. Əgər siz atanıza nəsihət edib onu bu işdən çəkindirməyə çalışmısınızsa, artıq üzərinizə düşən vəzifəni yerinə yetirmisiniz.

Bir insanın anasından başqasını anası kimi sevməsi günahdırmı?

    31.07.2024
Sual: 
Salam başqasını ana gozunde görmək gunahdirmi mənim anam var ama müəlliməmde ana kimi qəlbimdə istəyirəm başqasını ana kimi istəmək olar? Bu günah sayılırmi? Müəlliməm Mənə qayğı görsədir deyə onu çox istəyirəm
Cavab: 

Və aleykum Salam. İnsan anasından başqa birini anası kimi istəyə bilər, bunda bir günah yoxdur. Lakin insan bilməlidir ki, ananın övladı üzərində olan haqqı daha çoxdur və bu məhəbbət ananın haqlarından heç nə əskiltməməlidir. Həmçinin oxuyn:

Kəbini geri oxutdurduqdan sonra qadın yeni ailə qurmaq üçün nə qədər gözləməlidir?

    31.07.2024
Sual: 
Salam men boşanmışam yoldaşımdan zasda deilem amma dini kebini dala oxutdurduqda menden heçne soruşulmadı deyilenlere gorede kebin dala oxutdurulduqdan sonra 3 ay başka biriyle aile qurmaq olmaz bu haqda melumat vererdiz ?
Cavab: 

Və aleykum Salam. Ərindən boşanan qadın iddə müddəti gözləməlidir, sonra şəriətə uyğun qaydada başqası ilə ailə qura bilər. İddə müddəti barədə ətraflı oxuyun:

Müsəlman qadın qeyri-müsəlman kişi ilə evlənə bilərmi?

    24.07.2024
Sual: 
Salam.Qadına xristian və ya ibadətlə məşğul olmayan kişi ilə evlənmək qadağandır?Əgər kimsə dindar və ya müsəlman deyilsə,bu onun öz günahı deyilmi?Və ya xristian kişi sünnət etdirmədən müsəlmanlıq qəbul edə bilərmi?Yəni kəlimeyi-şəhadət desə,kifayət edərmi?Ümumiyyətlə,bir çox müsəlman kişilərin 2-ci arvad həvəsi,qadına qarşı avtoritar davranışı məni çox qorxudur.Özüm imkan daxilində Allahın hökmlərini yerinə yetirməyə çalışıram.Sırf Allah qorxusu mənim evlilik düşünməyimin qarşısını alır.Çünki bir çox xristian kişilərin qadınlarına rəftarını çox bəyənirəm və elə həyat yoldaşı arzulayıram.Sank
Cavab: 

Və aleykum Salam.

1) Müsəlman qadınının qeyri-müsəlman (xristian, yəhudi, dütpərəst, ateist, deist və s.) kişi ilə evlənməsi haramdır. Bu barədə ətraflı oxuyun:

Valideyn saqqal saxlamağa icazə vermirsə, onlara itaət etmək olarmı?

    23.07.2024
Sual: 
Salam Aleykum. Mənim bir sualım olacaqdı. Mənim atam anam saqqalı uzatmağıma əngəl olurlar, və tez-tez məni şiddətli bir şəkildə sıxışdıraraq saqqalımı azaltmağımı tələb edirlər. Əgər saqqalı uzatmaq nafilə bir işdisə, o zaman ata anaya itaəti önə çəkib nafiləni tərkmi etməliyəm? Və ya namaz olsun oruc olsun və.s nafilə ibadətlər etməyimədə əngəl olurlar.
Cavab: 

Və aleykum Salam. Əvvəla bunu qeyd edək ki, saqqal saxlamaq vacibdir, müstəhəb deyil. Bu barədə ətraflı oxuyun:

Saqqal saxlamaq vacibdirmi?

Boşanmadan sonra iddə müddəti bitərsə ər-arvad barışmaq istəsələr yeni nikah bağlanmalıdırmı?

    09.07.2024
Sual: 
Salam aleykum.Yoldaşımla talağımız aprel ayının evveli geri oxunub menim tekidimle,ondan önce bir neçe defe israr etmişdim boşamirdi,sonuncuda möhkem mübahise etdik ve razılıq verdi talağa.O deyirki hemin an içkili ve esebi olduqumçun razılıq vermisem ona göre qebul elemirem.İdde müddetim bitib.barışsaq kebin yeniden kesdirmeliyikmi?idde müddeti bitmedende uşaqları görmeye gelirdi,şexsi münasibet olmasada normal unsiyyet saxlamışıq.
Cavab: 

Və aleykum Salam. Əgər birinci və ikinci talaqdan sonra iddə müddəti bitibsə, kişi qadını yeni nikah bağlamaqla geri qaytara bilər. Yeni nikah dedikdə qadının vəlisinin izni və iki şahidin iştirakı ilə yeni nikah bağlanması nəzərdə tutulur. Ətraflı oxuyun:

Boşanmış qadın ikinci heyzdən sonra müvəqqəti nikah edə bilərmi?

    09.07.2024
Sual: 
Salam. Men uzun müddetdi yoldaşımdan ayrılmışam ama o meni may ayının 5 i kebinden boşadı. Boşadığı gününün seheri heyz oldüm.artıq 2 heyz görmüşem,bilmek isteyirem men indi müveqqeti nigah ede bilerem ya 1 heyzde gözlemeliyem?
Cavab: 

Və aleykum Salam. Əvvəla bunu qeyd edək ki, dinimizdə müvəqqəti nikah qadağandır. Bu barədə ətraflı oxuyun:

Siğə etmək nə üçün haramdır?


Anamla mənim gəlirimiz bir yerdə olarsa, anamın xəbəri olmadan sədəqə verə bilərəmmi?

    08.07.2024
Sual: 
Salam aleykum qardaslar men anamla bir yerde qaliriq menimde oz gelirim var Onunda her ikimizin qazancini bir yere qoyuruq yeni evde umumi olur.men bilmek isteyiremki men anamin xeberi olmadan o puldan sedeqe vere bilerem?
Cavab: 

Və aleykum Salam. Səmimiyyəti qorumaq üçün yaxşı olar ki, bu barədə ananıza məlumat verəsiniz. Əgər etiraz edərsə, o zaman öz qazancınızdan verin. 

Pages