Aleykum salam. İçki və musiqi olan məclislərdə iştirak etmək günahdır. Bu işdən tövbə etməkdə düz iş tutmusunuz. Uca Allahdan sizi əfv etməsini və bu dində sabit etməsini diləyirik!
Əssələmu aleykum. Başqasının malını haqsız yerə qəsb etmək böyük günahdır və bu günahdan tövbə etmək lazımdır. Başqasının haqqı ilə əlaqəli olan günahdan tövbə etmək üçün haqqına girdiyin şəxsdən halallıq almaq vacibdir.
Aleykum salam. Namaz ən əzəmətli ibadət, insanı Allaha yaxınlaşdıran ən böyük əməldir. Namaz qılmamaq və ya qılıb tərk etmək isə Allahın qəzəbinə səbəb olan böyük günahdır. Hətta İslam alimləri namazı tərk etməyin zina etməkdən və adam öldürməkdən daha böyük günah olduğunu söyləmişlər.
Va aleykum Salam. İslam dinində belə bir qayda var. Harama səbəb, vasitə olan hər bir əməl özü də haramdır. Əgər insan bir işin haram məqsəd daşıdığını bilərsə, iş özü halal olsa belə bunu etməməlidir, çünki harama yardım etmiş sayılır.
Aleykum salam. Əgər toy zalında keçirilən toylar şəriətə uyğudursa, yəni şpirtli içki və musiqi kimi şəriət tərəfindən haram olunmuş şeylər yoxdursa, bu toy məclisində işləmək olar.
Əssələmu aleykum. Ümumiyyətlə dinimizdə ad günü keçirmək qadağandır. Daha ətraflı: Ad günü qeyd etmək olarmı?
Əssələmu aleykum. Əvvəla bunu qeyd edək ki, rozə demək İslam dininə müxalif bir əməldir. Rozə dedikdə ölü üçün ağlayaraq onun gözəl xüsusiyyətlərini xatırlamaq və insanları kədərləndirmək nəzərdə tutulur. Rozəyə camaat arasında həmçinin mərsiyə də deyirlər.