ruzi

Vəsait xərcləmədən yeni çıxan coin kriptovalyutasını yığmaq olarmı?

    04.06.2025
Sual: 
Salam. Kriptovalyutada coin alıb-satmağın meslehetli olmadığını bilirem. Bes heç bir vesait xeclemeden, teze çıxacaq coinleri önceden yığmaq düzgündür?
Cavab: 

Və aleykum Salam. Heç bir halda, pulsuz olsa belə, kriptovolyuta əldə etmək və onu yığmaq düzgün deyil. Ətraflı oxuyun:

Kriptovalyuta almaq icazəlidirmi?

Süni intelekt vasitəsilə tərcümə edilən sənədlərə görə zəhmət haqqı almaq olarmı?

    03.06.2025
Sual: 
Salam. Men sizden şey öyrenmek isteyirem hacı. Appstore üzerinde belli tedbiqler var ve bu proqramlara Azerbaycan veyada Türk dili başqa dillerde hemçinin elave etmek üçün tedbiqlerin sahiblerine müraciet edirem onlarda qebul edirler. Ve men yapay zekanın kömekliyi onların mene atdıqları tedbiqin ingilis dilin senetlerin Azerbaycan ve yada başqa dillere çevirib geri gönderirem. Bunlar ise qarşılığında 100$ gönderirler. Bu pul haramdır. Neticede eziyyet çekirem senetleri yüklüyürem yapay zekaya sonra bir faylı salıb geri eposta yoluyla gönderirem.
Cavab: 

Və aleykum Salam. Sualdan görünür ki, siz müəyyən sənədləri süni intelekt vasitəsilə tərcümə edirsiniz və buna görə sizə yüz dollar məbləğində zəhmət haqqı verirlər. Tərcümə süni intelekt vasitəsilə olsa da, bu pul halal sayılır. Çünki sizin də müəyyən qədər əziyyətiniz olur. 

Şirkətlərin səhmlərini almaq icazəlidirmi?

    06.05.2025
Sual: 
Əs Sələmu Aleykum. Leobank tədbiqində, olan Cola, iPhone və s. haram şeylər satmayan şirkətlərin səhmlərini almaq olar? Allah razı olsun
Cavab: 

Və aleykum Salam. Əsas fəaliyyəti halal olan şirkətlərin səhmlərini alıb onlara sərmayə qoymaq icazəlidir. Məsələn, nəqliyyat və yükdaşıma şirkətləri, geyim fabrikləri, ofis ləvazimatları və mebel istehsalı müəssisələri, tibbi avadanlıqlar və daşınmaz əmlak şirkətləri və s.

Paxlava, şəkərbura, qoğal satmaq olar? Bu məhsullar satılan mağazada işləmək olar?

    22.04.2025
Sual: 
Salam aleykum. Paxlava, şəkərbura, qoğal (Novruzda bişirilən qida) satmaq olar? Bu məhsullar satılan mağazada işləmək olar?
Cavab: 

Və aleykum Salam. Paxlava, şəkərbura, qoğal halal yeməklərdir və bu məhsullar bişirilən mağazada işləmək icazəlidir. Qadağan olunan Novruz bayramı süfrəsində iştirak etməkdir. Digər vaxtrlarda isə bu məhsulları bişirmək, onlardan yemək və satmaq icazəlidir. Ətraflı oxuyun:

Rəhbərlik izin verirsə praktika keçdiyim iş yerində imza çəkib gəlməmək günahdırmı?

    19.04.2025
Sual: 
Salam Aleykum. Xahiş edirem diqqetle oxuyun. Men neft şirketinin kursuna qebul olmuşdum. Kurs 4 ay nezeri, 2 ay praktika şeklinde davam edir. Her ay teqaüd de verilir. Gündelik davamiyyet yoxlanır ve qayıb çox olsa teqaüd kesilir, lap çox olsa ümumen kursdan da kesilmek olar. Praktika başlayanda, oradakı rehberlerimiz dediler ki, istesek gele de, gelmeye de bilerik. Biz de arada bir gedib jurnala qol çekirdik ki, guya her gün gelirik. Çünki, imza çekmesek hem biz kesile bilerdik, hem de onlara maddi ziyanı vardı. Qayıb düşmediyi üçün teqaüd de verilirdi. Sual: bu teqaüd bizim üçün halaldır?
Cavab: 

Və aleykum Salam. Əgər sizin davamiyyətinizə cavabdeh rəhbərlikdirsə və rəhbərlik sizə imza çəkib gəlməməyə izin verirsə, bunun məsuliyyəti artıq rəhbərliyin üzərinə düşür. 

Müştərilərə məhsulları hissə-hissə ödənişlə satan, gecikmə olarsa, əlavə faiz tətbiq edən mağazada işləmək olarmı?

    17.04.2025
Sual: 
Salam. Mağazada müştərilərə məhsullar hissə-hissə ödənişlə satılır və əgər ödənişdə gecikmə olarsa, əlavə faiz tətbiq olunur. Belə bir mağazada işləmək olarmı? Bu halda həmin mağazada işləməyin hökmü nədir?
Cavab: 

Və aleykum Salam. Əgər mağazada həm halal ticarət, həm də şəriətə müxalif olan ticarət varsa, şəriətə müxalif olan ticarət növündə işləməmək şərti ilə belə mağazada işləmək olar. Yəni hissə-hissə ödənişi icra etmək olmaz. Lakin digər halal sahələrdə çalışmaq icazəlidir. Həmçinin oxuyun:

Pages