Səcdə edərkən əvvəlcə yerə dizlər, yoxsa əllər qoyulmalıdır?
Sual:
Salam aleykum. Secde etdikde önce diz yoxsa eller yere deymelidir?
Cavab:
Aleykum salam. Bunların hər ikisini etmək düzgündür. Lakin əlləri əvvəl qoymaq daha üstündür.
namaz
Yaxşı əməllər namazı əvəz edə bilirmi?
Sual:
Salam aleykum. Bilmek isterdim ki, insanlara xeyrin deyirse, onlara xosh teessurat bexsh edirsense ve namaz qilmirsansa etdiyimiz o yaxshi emeller namaz sayilirmi?
Cavab:
Aleykuma salam. Namaz qılmaq hər bir müsəlmana vacibdir. Qiyamət günü bəndədən ilk soruşulan əməl, məhz namaz olacaqdır. Namazı əvəz edə biləcək bir əməl yoxdur. Həmçinin bu məqaləni oxuyun: Namaz ən fəilətli ibadətdir
Böyüklərimiz deyirlər ki, instituta daxil olduqdan sonra namaz qılarsan
Sual:
Salam aleykum. Mənim 14 yaşım var, oglan uşağıyam. Namaz qılmaq İstəyirəm . Boyüklərdən soruşuram deyirlər ki, İnşallah instituta qəbul olandan sonra namaza başlayarsan. Men özümdə namaz qılmağa qorxuram. Çünki fikirləshirəm ki, birdən nə vaxtsa ata bilərəm. Sizin fikrinizcə namaza başlayım ya yox?
Cavab:
Aleykum salam. Siz artıq namaza başlamalısınız.
Minik vasitələrində yol gedərkən oturaq halda namaz qılmaq olarmı?
Sual:
Salam aleykum. Təyyarədə, qatarda və ya avtobusda yol gedərkən dayanmaq imkanı yoxdursa və namazın vaxtı çıxırsa, bu zaman oturulu halda, üzü qibləyə tutmamış namaz qılmaq olarmı?
Cavab:
Aleykum salam. Əgər vəziyyət dediyiniz kimidirsə, bu halda qibləyə tərəf yönəlmədən namaz qılmağa icazə verilir. Həmçnin oxuyun:
Minikdə olarkən fikirdən keçirərək namaz qılmaq olar?
Şəkil olan otaqda namaz qılmaq olar?
Sual:
Salam aleykum. Men namaz qildigim otaqda qarshimda shekil var ona teref namaz qilmaq gunahdir?
Cavab:
Aleykum salam. Əgər namaz qılmaq üçün başqa bir yer tapa bilmirsinizsə, qıla bilərsiniz. Həmçinin, əgər şəkilin üzərinə bir şey çəkib örtə bilirsinizsə, bu daha yaxşıdır.
Keçmiş illərin qəzalarını qılmaq və "vacibən qürbətən illəllah" demək haqda...
Sual:
Salam aleykum. Zehmet olmasa ətraflı cavablandirardiz.
1) Men 1 aydir ki, namaz qilmaga bashlmisham. 30 yashim var. Üzerimde 17 ilin qezasi var. Yeni qilmadigim namazlar. Onlari nece qilmaliyam? Her gun qildigim namazlara elave olaraq qezalardan da qilmaga chalishiram. Amma bezen vaxt ve imkan olmur, hem de sanki yoruluram. İllerin qezasini qisaldib qilmaq rahat bir qayda varmi? Bir de bu qezalari qiliramsa, nafile namazlari qilmaya bilerem? Nafile namazlari qezalari evez ede biler?
2) Əl və ayaq dirnaqlarında lak boyası olduqda destemaz almaq duzgundurmu?
Cavab:
Aleykum salam. Suallarınızın cavablarını buradan oxuya bilərsiz:
1. Neçə il qəza namazlarım var
Keçmiş illərin qəza namazları qılnmalıdır?
İstənilən bir işin alınması üçün dua etmək olar?
Sual:
Salam aleykum. İstənilən bir sheyin alınması üçün hansısa duanı oxumaq olar? Məsələn: Mən bir telefon istəyirəm, lakin uzun müddətdir ki, onu ala bilmirəm. Onu almağımın tezləşməsi üçün hansı duanı oxuya bilərəm?
Cavab:
Aleykum salam. Uca Allah bütün xeyir duaları qəbul edir. Yəni günah olmayan istənilən hər hansı bir neməti Allahdan diləmək olar.
Sevdiyim insan namazı tərk etmədiyim halda mənimlə ailə qurmayacağını deyir
Sual:
Salam aleykum. Sevdiyin insan desə ki. namaz qilma, yoxsa evlənməyəciyik. Ailəm namaz qilmaga razi deyil. Belə vəziyətdə nə etmək olar? Yəni namazı tərk etsək gunah olar?
Cavab:
Aleykum salam. O insan sizi sevirsə, sizin yolunuzu azmağınızı və əzab çəkməyinizi istəməz. Çünki namazı tərk etmək insanı axirətdə əzab çəkməsinə səbəb ola bilər. İstər kişi, istər qadın üçün namaz qılmaq Allahı razı salan və Onun əbədi səadət diyarı olan Cənnətini qazandıran ən böyük səbəbdir.
Nə edim ki, ürəyim daim Allahla olsun?
Sual:
İlk once salam aleykum. Men eveller hemishe Allah Tealaya dua ederdim. Amma namaz qila bilmirem. Ancaq indi ise sheytana lenet, sanki dua etmek istemirem. Bunun sebebi nedendir? Bes men ne edim ki, evvleki kimi daim Allaha dua edim? Men namaz qilmagi chox sevirem, ama qila bilmirem. Xahish edirem ki, mene komeklik edesiz. Ureyim daim Allahla olsun deye ne edim?
Cavab:
Aleykum salam. Əgər siz Allah Təalaya dua etməyi sevirsinizsə, bunun üçün namaz qılmaq və səcdədə Uca Allaha çoxlu dua etməkdən daha böyük fürsət yoxdur. Namaz qılan əslində heç bir əziyyət çəkmir. Namaz sadə hərəkətlərdən, müəyyən zikr və dualardan ibarətdir.
Həqiqi müsəlman necə olmalıdır?
Sual:
Salam aleykum. Sizcə əsil dini insan, yaxşı insan necə olmalıdır? Xahiş edirəm suallıma cavab verəsiniz.
Cavab:
Aleykum salam. Həqiqi müsəlman insanların onun dilindən və əlindən əziyyət görmədiyi insandır. Həmçinin, tək və Uca olan Allaha ibadət edərək yalnız Ona boyun əyən, habelə Peyğəmbərin (salləllahu aleyhi va səlləm) yolunu tutub gedən və Allah Təalanı çox xatırlayandır.