təbabət

Sızanaqlardan azad olmaq üçün dua varmı?

    27.02.2014
Sual: 
Salamu aleykum. Üzdəki sızanaqlar üçün dua gördüm. Rəvayətə görə bunu Məhəmməd (s.a.s) peyğəmbərimiz öz yoldaşının əlinə çıxan çibanın üstünə oxuyub. Peyğəmbərimiz həm də buyurub ki,bu duanı boş-boşuna sızanaqlı yerinizə sürtməyin. Məlhəmlə birlikdə deyin. Dua belədir: "Allahummə yə musağğiral kabir. Va yə mukabbiras sağir. Sağğir mə bi". (Bunu belə problemi olan müsəlman qardaşlarım üçün yazdım). Indi mənim sizə sualım odur ki, bu duanın mənasını siz bilirsinizmi? Və ya bu rəvayət doğrudurmu?
Cavab: 

Aleykum salam. Muhəmməd peyğəmbərin belə bir dua etməsi məlum deyildir. Söylədiyiniz duanın mənası (Ey böyükləri kiçildən və kiçikləri böyüdən Allahım! Məndə olanları kiçilt).

Siqaret çəkmək olarmı?

    19.02.2014
Sual: 
Salam aleykum. Siqaret chekmek gunahdirmi?
Cavab: 

Aleykum salam. Siqaret çəkmək haramdır, çünki siqaret çəkmək həm insanın dininə, onun səhhətinə, əxlaqına, ətrafında olan insanlara, ruzisinə, qüvvəsinə, bir sözlə dünya və axirətinə böyük ziyan vurur.

Heyz halında namaz qılmaq olarmı?

    18.02.2014
Sual: 
Salam aleykum. Bəzi insanlar heyz halında da namaz qılır. Hansı ayə ilə sübut edək ki, bu belə deyil. Bir az zəhmət olmasa ətraflı yazardız.
Cavab: 
Aleykum salam. Heyz və nifas halında qadına namaz qılmaq və ya oruc tutmaq olmaz. Uca Allah buyurur: "Səndən qadınların heyzini (aybaşı halını) soruşurlar. De ki, o, bir əziyyətdir. Onları heyzli ikən rahat buraxın; təmizlənənə qədər onlara yaxınlaşmayın.

Gözdəymə varmı?

    18.02.2014
Sual: 
Salam aleykum. Goz deyme varmi? Eger varsa bundan qorunmaq uchun ne etmek lazimdir?
Cavab: 
Va aleykumus-Sələm. Bəli, gözdəymə həqiqətən mövcuddur. Gözdəymədən və başqa şərlərdən qorunmaq üçün hər namazdan sonra "Ayətul-Kursi" (əl-Bəqərə, 255), "əl-İxlas", "əl-Fələq" və "ən-Nəs" surələrini oxumaq lazımdır.

Ekstrasens vasitəsi ilə cadunu tapmaq olarmı?

    17.02.2014
Sual: 
Salam aleykum. Bir insanın evində sehr var, onu tapmaq üchün ekstrasensə müraciət etmək olar? O, ekstrasens deyir ki, mən heç nə etmirəm sadəcə telefondan deyirəm ki, filan yerdədi və get götür mənə gətir o cadunu sənin gözüvün qabagında açacam. Allahın ayələrini oxuya-oxuya açacam. Belə etmək olar? Bu fal sayılır?
Cavab: 

Aleykum salam. Ekstrasenslik falçılığın müasir adıdır. İslama görə cadunu tapmaq, cadudan xilas olmaq üçün falçıya müraciət etmək böyük günahdır.

Mənim qadın xəstəliyim var. Buna görə hər dəfə qüsl almalıyammı?

    06.02.2014
Sual: 
Salam aleykum. Verdiyim suala görə çox-çox üzr istəyirəm, amma bunların cavabı da sizdə var. Ona görə sizdən öyrənmək istəyirəm. Mənim bir az özümə aid problemim var. Qızam amma bir az xəstəliyim var. Yəni cinsi tərəfdən axıntım var. İnşallah namaza başlayacam və bilmək istədiyim odur ki, belə halda qüsl almalıyam hər dəfə namaz qılanda? Dərman qəbul edirəm və mənim bu xəstəliyim soyuq dəymədəndir, yəni bu halıma görə qüsl lazımdırmı?
Cavab: 

Aleykum salam. İnşallah, tezliklə namaza başlayın. Allah köməyiniz olsun. Sualın cavabını isə buradan oxuyun: Qızdan adi bir ləkə də gəlsə qüsl almaq lazımdırmı?

Gözdəymə haqdır?

    31.01.2014
Sual: 
Salam aleykum. Dogrudurmu ki, ay mene göz deyib, nezer deyib? Bu hallarda ovsun edib nezeri chixartmaq olarmı? Birdeki men shahidi olmusham nezer deyen adami ovsun eleyende, hemin adamin esnemeyi gelir ve gözlerinden yash axir. Hetta yaxinda eyleshen adamlarada tesirini gösterir... Bu haqda xahish edirem melumatlandirasiniz.
Cavab: 

Aleykum salam. Bəli, gözdəymə haqdır və bunun şəriətdə icazə verilmiş üsullarla müalicəsi göstərilib. Daha ətraflı bunu oxuyun: Cadudan necə qorunmaq olar? 

Pages