oruc

Heyz qüslü aldıqdan sonra gələn qan orucu pozurmu?

    11.09.2020
Sual: 
Salam uzr isdiyirem suala. Gore. Men aybawi olub qurtarmiwam. Qusl alib oruc tutmuwam namaz qilmiwam seher oruca duranda hecne yox idi ama gunuz durduqdan sora gordum ki qan olub menim orucum pozulurmu namazim pozulurmu
Cavab: 
Aleykum salam. Əgər heyz qüslundan sonra gələn axıntı qan deyil, qəhvəyi və ya sarımtıl axıntı olarsa, bu halda bu axıntıya fikir verməyin. Bu halda orucunuz və namazlarınız səhihdir. Yox əgər qüsl etdikdən sonra gələn qan heyz qanına bənzəyirsə, bu halda orucunuzu və namazları saxlamalısınız.

Orucu açmaq üçün məsciddə azan səsini eşitmək vacibdirmi?

    11.09.2020
Sual: 
Salam , biz şie uşaqlarıynan oturub iftar vaxtını gözləyib hemişe azan oxunanda orucumuzu açırdıq . İş ele getirdiki biz azan sesi eşitmedik, yaxud azan oxunmadı. Yeqinki artıq 10 deqiqe vaxt keçdiki men ve başqası orucu açdıq şie uşaqlar durdular ki yox azan oxunmalı. Ne qeder dedimki gün batdısa oruc açılmalıdı . Dediler yox. Uzun mesele 25 deqiqe keçdikden sonra,orucu açdılar. Mescid azanı gözlemeye ne ehtiyac var?
Cavab: 
Aleykum salam. Məğrib namazının vaxtı girdikdən sonra orucu açmaq lazımdır. Məğrib namazının vaxtı isə günəşin qövsü üfüqdə itdikdən sonra girir. Bunun üçün hansısa məscidin azan səsini gözləməyə ehtiyac yoxdur.

Ramazanda oruc tutmadığımız günlər oruclu günlərin savabını aparırmı?

    10.09.2020
Sual: 
Salam men oruc idim 1 gun qeza edim sabahi yeniden davam edirem bu menim 11 gunluk orucumu pozrmu qezasini insallah bayramnan sonra tutacam zehmet olmasa cavab
Cavab: 
Aleykum salam. Heç bir üzrlü səbəb olmadan Ramazan ayında orucu qəza etmək böyük günahdır. Buna görə Allaha tövbə edin və qəza etdiyiniz orucları tutun. Lakin bu, sizin tutduğunuz oruclara xələl gətirmir. Həmçinin oxuyun:

Oruclu olarkən insandan məzi və ya vədi gəlməsi orucu pozurmu?

    10.09.2020
Sual: 
salam oruc olduğun halda (söbh azani şam namazna kimi ) bədəndən məzi və ya vədi gəldiyi halda oruc pozulur? təşəkkür edirəm əvvəlcədən
Cavab: 
Və aleykum Salam. Məzi - ehtiras halında məni (sperma) gəlməmişdən əvvəl övrət yerindən çıxan az miqdarda yapışqan mayedir. Məzinin gəlməsi orucu pozmur. Vədi isə sperma ifraz olunduqdan sonra gələn sudur.

Oruclu ikən ağıla gələn fikirlər oruca təsir edirmi?

    31.08.2020
Sual: 
Allahin salami uzerinize olsun.Men Ramazan ayinda 1hefde oruc tutdum.Aglima vesvese kimi şeyler gelirdi.Ariqlmaq zad bele seyler.bu şeytandan ola bilermi? Men indi yeniden oruc tuta bileremi? Xahis edirem cavablandirardiz
Cavab: 

Aleykum salam. Əgər oruc tutmaqda əsas niyyətiniz Allahın əmrinə tabe olub Onun rizasını qazanmaq olubsa, demək ki, orucunuz doğrudur. Bundan sonra gələn fikirlər şeytanın vəsvəsələridir və bu vəsvəsələrə fikir verməyin. Həmçinin oxuyun:

Bilmədən boğaza gedən qan orucu pozurmu?

    31.08.2020
Sual: 
Salam.Oruclu bir xanım eri terefindenndn döyülür ve ağız burnu qan la dolur,ağzında yaralar yaranır.O xanımın orucu pozulurmu ve ağız boşluğunda yaralar olduğu halda oruc tuta bilermi?
Cavab: 

Və aleykum Salam. Əvvəla bunu qeyd edək ki, dinimiz qadınlarla gözəl davranmağı buyurmuşdur. Bir kişinin öz zövcəsinə zülm etməsi, onu döyməsi böyük günahdır və belə edən kişi Uca Allahın bu ayəsinə qarşı çıxmışdır: "Onlarla (qadınlarla) xoş rəftar edin". (ən-Nisa, 19).

Sahur yeməyinə yatıb qalan orucunu davam etdirə bilərmi?

    29.08.2020
Sual: 
Salam. Artıq neçe gündür ki oruc tuturam şükürler olsun. Amma tekce bu gün yatıb qalmışam sahura dura bilmemisem. Bildiyim qederi ile niyyet edib günortaya kimi tuta bilerem. Size sualım o olacaq ki günortaya kimi tutub sonra axşam yeniden eyni qayda ile tuta bilerem? Yoxsa artıq tuta bilmerem?
Cavab: 

Və aleykum Salam. Oruc tutanın sahur etməsi müstəhəbdir. Sahur yeməyini yemədən də orucu davam etdirmək olar. Ramazan ayında hər oruc günü üçün ayrıca niyyət etmək lazım deyil.

Oruclu ikən qeyri-ixtiyari məni ifraz olması orucu pozurmu?

    29.08.2020
Sual: 
Salam.Gece yatmamışdan qabaq niyyet edib oruc tutdum. tezden yuxudan oyananda menden ixtiyarsız meni(sperma) geldi mende gedib qüsl edib orucumu davam etdirdim.Orucum batil olmadı?? Qezasın tutmaliyam??
Cavab: 

Və aleykum Salam. Oruclu olarkən qeyri-ixtiyari (yuxuda və s) məni ifraz olması orucu pozmur. Ümumiyyətlə oruclu ikən qeyri-ixtiyari orucu pozan halların baş verməsi orucu pozmur. Daha ətraflı:

Pages