Aleykum salam. Siz gözəl iş görürsünüz. Müsəlmanın qalası adlı kitabçadakı kimi zikr etsəniz Peyğəmbərimizin (Allahın Ona salavatı və salamı olsun) etdiyinə daha uyğun olar.
Aleykum salam. Bunlardan çəkinmək lazımdır. Rəsulullahın (Allahın ona və ailəsinə salavatı və salamı olsun) dövründə "dini mahnı" olmayıb, dini yaymaq üçün bu üsuldan istifadə edilməyib və bu kimi şeylər qadağan edilib.
Aleykum salam. Bəli, rəng qoymaq olar, amma qara rəngdən çəkinmək lazımdır.
Aleykum salam. Zifaf namazı toy gecəsi qılınan 2 rükətli nafilə (vacib olmayan) namazdır.
Və aleykum Salam. İbn Ömər (Allah ondan razı olsun) rəvayət edir ki, Peyğəmbər (salləllahu aleyhi və səlləm) namazın (təşəhhüdündə) oturduqda, əllərini dizləri üzərinə qoyar, sağ əlinin baş barmağından sonra gələn barmağıyla işarə edərək dua edərdi. (ət-Tirmizi, 294).
Və aleykum Salam. Peyğəmbər (ona Allahın salavatı və salamı olsun) belə buyurur: “Allah (Öz qullarının) asqırmağını sevir, əsnəməyini isə xoşlamır. (Müsəlman kimsə) asqırıb Allaha həmd etsə, ona: “Yərhəmukəllah”– demək, bunu eşidən hər bir müsəlmana vacibdir.
Aleykum salam. Peyğəmbərə göndərilən salavatın bir neçə deyiliş formaları vardır: Salləllahu aleyhi və səlləm, Allahummə salli və səllim alə nəbiyyinə Muhəmməd, Allahummə salli alə Muhəmmədin və alə ali Muhəmməd və digər deyiliş şəkilləri.
Aleykum salam. Qeyd etdiyiniz hal sadəcə şeytan vəsvəsəsi və ya cadu nəticəsində ola bilər. Bundan qorunmaq və ondan müalicə olunmaq üçün Uca Allahın buyurduğu bütün vacib əməlləri yerinə yetirmək (fərz namazları kimi), günahları tərk etmək və onlardan tövbə etmək lazımdır.
Aleykum salam. Hidayətə gələn əksər insanlar bu cür problemlə üzləşir. Çünki insan dinə gələndə imanı qüvvətli olur, ibadətlərini həvəslə yerinə yetirir, günahlardan asanlıqla çəkinə bilir, günah etdikdə dərhal tövbə edir. Bir müddət keçdikdən sonra dində zəifləməyə başlayır.
Aleykum salam. Peyğəmbərimiz (Ona və ailəsinə Allahın salavatı və salamı olsun) demişdir: "Xaliqə (Yaradana, Allaha) asi olmaqda məxluqa itaət edilməz". (İmam Əhməd, 1095).
Aleykum salam. Cavabı buradan oxuyun: Namazdan sonra təsbeh çəkmək icazəlidirmi?
Aleykum salam. Cavabı buradan oxuyun: Hansı heyvanları evdə saxlamaq olar?
Aleykum salam. Cavabı buradan oxuyun: Namazdan sonra hansı zikrlər edilir və onlar vacib sayılırmı?
Aleykum salam. Bu barədə şəriətdə heş bir qadağa yoxdur. Amma yaxşı olar ki, ictimai yerlərdə ədəb qaydalarını gözləyəsiniz.
Aleykum salam. Bu barədə aşağıdakı linkləri oxumağınız məsləhətdir:
Yuxuda ölmüş insanı görmək və bu yuxunu yozmaq haqqında
Yuxuda rəhmətə getmiş insanı görmək nə mənaya gəlir?
Və aleykum Salam. Adlarını saydığınız namazlar fərz namazlarıdır. Lakin, şam və xiftən namazı fars dilində belə adlanır. Həqiqətdə, şam namazı Məğrib, xiftən namazı İşa adlanır. Vaxtları; Sübh - dan yeri söküləndən gün çıxana qədər. Zöhr - günəş zenitdə olandan sonra.
Aleykum salam. Xüsusi olaraq ruzi duası kimi tanınan bir dua mövcud deyil. Amma ümumən Qurani Kərimdə və Məhəmməd Peyğəmbərin (Ona və ailəsinə Allahın salavatı və salamı olsun) səhih hədislərində mövcud olan duaların tərkibində, ruzi diləməklə bağlı cümlələr keçmişdir.
Aleykum salam. Bəli, olar. Sadəcə, qadına məscidə və ya cümə namazına getmək vacib deyil. Bu, Uca Allahın onlar üçün yaratdığı bir asanlıqdır. Hədislərdən birində Peyğəmbərimiz (Allahın ona və ailəsinə salavatı və salamı olsun) belə buyurmuşdur: "Qadının məscidi evinin küncüdür".
Aleykum salam. İnşallah, tezliklə namaza başlayın. Allah köməyiniz olsun. Sualın cavabını isə buradan oxuyun: Qızdan adi bir ləkə də gəlsə qüsl almaq lazımdırmı?
Aleykum salam. Qadına qüsl etmək bu hallarda vacib olur: Qadın heyz və nifasdan qurtardıqdan sonra. Pollyusiya və cinsi əlaqədən sonra. İslam dinini qəbul etdikdə və ya (şirk və ya küfr etməklə) İslam dinindən çıxdıqdan sonra, yenidən bu dinə qayıtdıqda.
Aleykum salam. Ümumiyyətlə toxunduğunuz məsələ geniş və izaha ehtiyacı olan bir mövzudur. Çünki cihad ibadətin bir növü olub, digər ibadətlər kimi onunda öz qaydaları, növləri və şərtləri vardır. Ümumən ərəb dilində "Cihad" sözü, "Cəhd" sözündən götürülmüşdür.
Aleykum salam. Məsciddə konfet paylamaqda heç bir qəbahət yoxdur. Amma yaxşı olardı ki, bu cür əməlləri etdikdə hansısa bir günü xüsusiləşdirməyəsiniz.
Aleykum salam. Əlhəmdulilləh, yaxşıyıq. Allah razı olsun. Sualnızın cavabını buradan Namazın sünnətləri nə qədərdir? oxuyun.
Aleykum salam. Bu məsələ alimlər arasında mübahisəlıdır. Bəzi rəvayətlərə görə valideynləri müsəlman olan körpələr həddi-büluğa çatmadan öncə dünyasını dəyişərlərsə, inşallah cənnətə birbaşa sorğu-sulasız girəcəklər.
Aleykum salam. Ümumiyyətlə niyyət etmək, daxilən bir şeyə qəti qərar vermək, bir işi nə üçün gördüyünü qətiyyətlə bilmək deməkdir. Dini baxımdan isə niyyət etmək, bir işi Uca Allahın əmrinə tabe olmaq və ona yaxınlıq qazanmaq üçün yerinə yetirmək qərarından ibarətdir.
Va aleykum alam. Biz Uca Allahın göndərdiyi kitaba inanır, onun elçisi Muhammədin (Allahın ona və ailəsinə salavatı və salamı olsun) yolu ilə getməyə çalışır və sonradan dində çıxmış yeniliklərdən uzaq durmağa çalışırıq.
Aleykum salam. Şəriətimizdə Qurani Kərimi öpmək buyurulmamış və bu əməlin dində heç bir əsası yoxdur. Çünki, nə Peyğəmbər (salləllahu aleyhi və səlləm) nə də onun əshabələri (Allah onlardan razı olsun) Quranı öpməmişlər və nədəki belə bir şeyi buyurmamışlar.
Aleykum salam. İki əllə görüşmək səhih hədislərə görə bəyənilmir. Həmçinin, tez-tez öpüşərək görüşmək də yaxşı hal deyil.
Aleykum salam. Hicabı istənilən rəngdə geyinmək olar. Sadəcə olaraq yaxşı olar ki, dar, şəffaf, cazibədar, düm ağ, qırmızı, sarı, zərli, bərli-bəzəkli rənglər kimi cəlb edici və ya diqqət çəkəcək görkəmdə olmasın. Bu fikir, mötəbər islam alimlərinin görüşüdür.
Aleykum salam. Əgər o iş günahdırsa, qayıtmaq olmaz. Əks halda, nəyisə özünüzə qadağan etmisinizsə, bu halda müəyyən şərtlər daxilində olar (o işin nə olduğundan asılı olaraq)
Aleykum salam. Qadına məscidə və ya cümə namazına getmək vacib deyil. Hədislərdən birində Peyğəmbər (s.a.s) belə buyurur: "Qadının məscidi evinin küncüdür".
Aleykum salam. Toyda, xınada, nişanda konfet götürüb başın altına qoyaraq yuxuda görülən adama qismət olacağına inanmaq günahdır. Çünki, bu əməl fala baxmağın bir növüdür. Fala baxmaq və fala baxdırmaq böyük günahlardan hesab olunur.
Aleykum salam. Bu cavabı oxuyun: Hansı məzhəbə inanaq?
Aleykum salam. Dində elə məsələlər vardır ki, onların mənası və hikməti haqqında xəbər verilib. Lakin elə məsələlər də vardır ki, onların mənası və hikməti haqqında heç bir xəbər verilməyib. Sizin sualınız da bu məsələyə aiddir.
Aleykum salam. Bu saytdakı sualları cavablandıran şəxslər, ilahiyyat elmləri üzrə İslam Universitetlərində təhsil almış bir qrup ali təhsilli mütəxəssislərdir. Fikrimizcə, onların bir-bir adlarını qeyd etməyə heç bir lüzum yoxdur.
Aleykum salam. Zərurət halında, zöhr və əsr yaxud məğrib və işa namazlarını birləşdirib qılmağın heç bir eybi yoxdur. Çalışın adət halına salmayasız. Bu xüsusda Uca Allah buyurur: "Allah hər kəsi yalnız qüvvəsi yetdiyi qədər yükləyər". (əl-Bəqərə, 286).
Aleykum salam. Allahdan sizə səbir diləyir və dua edirik, sizi qızınızla Cənnətdə görüşdürsün. Qızınız üçün həddi aşmadan, səssizcə ağlamaq və ya kədərlənmək günah sayılmaz.
Aleykum salam. Bunun üçün ayrıca dua növü mövcud deyil. İstədiyiniz kimi edə bilərsiniz. Həmçinin həmin insanın qayıtmasının sizə xeyirli olub-olmamasını bilmirsiniz. Bu halda Uca Allahdan yardım diləyərək istixarə namazı da qılmaq yaxşıdır.
Aleykum salam. Yəcuc və Məcuc tayfalarının çıxacağı yer tarixçilər arasında mübahisəli məsələ olaraq qalır və bu barədə dəqiq bir məlumat yoxdur. Məlumat üçün deyək ki, Yəcuc və Məcuc Adəm övladlarından olan və hal-hazırda mövcud olan iki tayfadır.
Aleykum salam. Şəriətə görə Allaha yaxınlaşdıran mənəvi ibadətlərlə, məsələn; (oruc, namaz, həcc, ümrə və.s buna bənzər əməllərlə) niyyət; şəirət dilində desək nəzir etmək olar. Sizin Allah qarşısında söz verdiyiniz nəzir orucu da bu əməllər sırasındadır.
Aleykum salam. İbadət dedikdə namazı nəzərdə tutursunuzsa, olmaz. Namaz vaxtı qadının bütün örtünməli olan əzaları bağlı olmalıdır. Ümumiyyətlə qadın nəyin ki, təkcə ibadət zamanı, qadın naməhrəmlər yanında da daim örtükdə olmalıdır. Bu şəriətimizin tələbidir.
Aleykum salam. Bəli, belə fikirlər şeytanın vəsvəsələrindən sayılır. Ona görə də vəsvəsələrə fikir verməyərək tezliklə namaza başlayın.
Aleykum salam.
Aleykum salam. Əvvala bilmək lazımdır ki, dırnaqlara lak vurmaq dəstmazı pozmur. Amma nəzərə almaq lazımdır ki, lak dırnaqların üzərində müəyyən bir təbəqə yaradan və suyun dırnaqlara keçməsinin qarşısını alan bir maddə olduğu üçün hər dəstəmaz və ya qüsl vaxtı onu təmizləmək lazım gələcək.
Aleykum salam. Bəli, düzgündür. İki və ya daha artıq sayda bacılar olsun, şəritə görə fərq etməz, hamısının bir ildə kəbinləri kəsilə bilər. Bu barədə şəriətdə heç bir qadağa yoxdur.
Aleykum salam. Hər bir müsəlman bilməlidir ki, ölüm son deyil, Uca Allah ölmüş insanları qiyamət günü yenidən dirildəcək. Rəbbimiz buyurur: "Sizi (Adəmi) də ondan (torpaqdan) yaratdıq.
Aleykum salam. Dəstəmaz, təyəmmüm və qüsl alarkən səhih hədislərə əsasən salavat yox, "Bismilləh - Allahın adı ilə!" deyilir. Salavat isə Peyğəmbərin (salləllahu aleyhi va səlləm) adı çəkilən zaman ona aid edilən duanın bir növüdür.
Aleykum salam. Xahiş edirik, dini səhih mənbələrdən öyrənin (Qurani Kərim və səhih hədislər). Peyğəmbərimizin (Allahın ona və ailəsinə salavatı və salamı olsun) dövründə məzhəblər olmayıb, həmçinin şiə məzhəbi. Ümumiyyətlə firqələrə bölünmək qadağandır.
Aleykum salam. Dini yazı dedikdə Quran surələrini və ya duaları nəzərdə tutursunuzsa, onları tez-tez oxumaq və mümkün qədər əzbərləmək daha faydalıdır. Onları divardan asmaqla xeyir-bərəkət gəldiyini düşünmək isə səhvdir.