Və aleykum Salam. Hədisdə deyilən "namazın sonunda", yəni təşəhhüddən sonra salamlardan qabaq edilən dua qəsd olunur. Lakin, namazdan sonra, yəni salamları verdikdən sonra əlləri qaldırıb dua etmək haqda Peyğəmbərimiz (Allahın ona və ailəsinə salavatı və salamı olsun) heç nə deməyib.

Salam aleykum. Vacib namazları qılarkən ana, ata və ya başqa birisi çağırsa, namazdan çıxmaq və ya cavab vermək olmaz.

Salam aleykum. Bəli, subay kişinin ərindən boşanmış uşaqlı qadınla evlənməsi icazəlidir. Bu haqda heç bir qadağa yoxdur. 

Və aleykum Salam. Əgər başın müəyyən yeri tökülübsə və bu hal psixoloji gərginliyə səbəb olursa, bu halda şəriətə görə saç əkdirmək qadağan deyildir. Rəvayət edilir ki, cahiliyyət dövründə bir döyüşdə burnu qopan Arfəcə adlı səhabə (Allah ondan razı olsun) gümüşdən burun düzəltdirmişdi.

Və aleykum Salam. Son durum ölüm təhlükəsi nəzərdə tutulur. Uca Allah buyurur: "O sizə ölü heyvanı, qanı, donuz ətini və Allahdan başqası üçün kəsiləni haram etmişdir. Hər kəs harama meyl etmədən və həddi aşmadan bunlardan yeməyə məcbur olarsa, bu ona günah hesab edilməz.

Və aleykum Salam. Bu haqda bir məhdudiyyət yoxdur. Çünki, İslam qaydaları ilə olan toy çalıb-oynamaqla keçmir. Dəfndən bir müddət keçdikdən sonra evlənmək daha yaxşı olar. Çünki, valideyn itgisi ağır haldır.

Və aleykum Salam və rahmətullahi və bərakətuhu. Sualda qeyri-müəyyənlik var. Çünki, şəhadət kəlməsini deyən hər bir insan müsəlmandır. Əgər sizin ailəniz özünü müsəlman sayırsa və ananız da özünü müsəlman sayırdısa, lakin namaz qılmırdısa, o yenə də müsəlman sayılır.

Və aleykum Salam. İnsanın hansısa əzası kəsildikdə, onu ağ bir parçaya büküb qəbristanlıqda basdırmaq kifayətdir. Onu qüsl etməyə ehtiyac yoxdur.

Salam aleykum. Namazda rükətlərin sayında şübhə edən insanın namazı batil olmur. Namazda artıq və ya az qılmaqda yəqin olsanız səhv səcdəsi etmək lazımdır. Daha ətraflı: Səhv səcdəsi necə yerinə yetirilir?

Və aleykum Salam. Əgər dövlət aztəminatlı ailələrdə uşaqlar üçün yemək pulu verirsə, bunu almaqda heç bir problem yoxdur.