Aleykum salam. Barmaqları şaqqıldatmaq günah deyil, amma oynaqlar üçün çox ziyandır.
Aleykum salam. Bilməyərək günah etmək bağışlanır. Həmçinin, günaha peşman olmaq tövbə sayılır və günahdan peşman olanları Uca Allah bağışlayır. Tövbə etdikdən sonra insanın günahı xatırladıqda ondan sarsılması tövbənin qəbul olunmasının əlaməti hesab olunur.
Aleykum salam. Təyəmmümlə namaz qılmaq su tapmadıqda, xəstə olduqda, şiddətli soyuq olduqda icazə verilir.
Aleykum salam. Övlad valideyn üçün bağışlanma diləyə bilər.
Aleykum salam. Sayla olan zikrləri barmaqlarla etmək lazımdır. Təsbeh ilə etmək olmaz. Abdullah ibni Amr (Allah ondan razı olsun) rəvayət edir ki, mən Peyğəmbəri (sallallahu aleyhi və səlləm) sağ əli ilə zikr edən gördüm.
Aleykum salam. Xeyr, beş namazdan başqa bütün namazlar nafilə namazlarıdır, fərz deyildir.
Aleykum salam. Burada halal və haram məsələsi vardır. Uca Allah kişi və qadına ailə qurmağı, bir-birini sevməyi halal buyurmuş və bu işə xeyir-bərəkət vermişdir.
Aleykum salam. Sözsüz ki, hər bir zülm - istər maddi, yaxud mənəvi olsun - hamısı günahdır. Əgər gözüyaşlı qoyulan valideyndirsə, günahı daha böyükdür. Bunun kəffarəsi isə həmin insanı sevindirməkdir.
Aleykum salam. İslam dinində evlənmə sayının məhdudiyyəti yoxdur. Əsas şərt odur ki, öhdəndə olan qadınların sayı dörddən artıq olmasın.
Belə bir anlayışa indiyədək rast gəlməmişəm.
Aleykum salam. İnsanın beyninə gələn pis fikirlər günah sayılmır. Dində bu fikirlərə şeytanın vəsvəsələri deyilir.
Aleykum salam. İslamda sevgi üçün xüsusi bir dua növü mövcud deyil.
Salam aleykum. Bir əməli günah sayıb tövbə etsəniz, sonra bu əməlin günah olmadığını öyrənsəniz, bunda bir qəbahət yoxdur. Peyğəmbər (salləllahu aleyhi və səlləm) namazda belə dua edərdi: "Allahım!
Və aleykum salam. Bu cavabları oxuyun:
Tövbə etsəm, Allah bağışlayarmı?
Günahı necə tərk edim?
Aleykum salam. Qismətə və ya dini terminlə desək, qədərə iman imanın altı şərtindən biri hesab edilir. İnşallah qədər mövzusu haqqında saytımızda yazılar olacaq.
Aleykum salam. Niyyət, məqsəd deməkdir. Bir əmələ niyyət etmək o əməli yerinə yetirmək məqsədi olmaq deməkdir. Peyğəmbər (sallallahu aleyhi va səlləm) demişdir: "Əməllər ancaq niyyətə görədir. Hər bir insan niyyət etdiyini əldə edir...".
Və aleykum Salam. Uca Allah buyurur: "... Peyğəmbər sizə nə verirsə, onu götürün; nəyi qadağan edirsə, ondan əl çəkin. Allahdan qorxun. Həqiqətən, Allahın cəzası çox şiddətlidir". (əl-Həşr 7).
Və aleykum Salam. İslam dinində əzadarlıq anlayışı yoxdur. Həmçinin, ölən insan üçün - istər Peyğəmbər, səhabə, övliya, imam olsun - hər il yas saxlamaq, ildönümü qeyd etmək, özünə əziyyət vermək, mərsiyə demək qəti qadağandır.
Aleykum salam. Bilə-bilə namazı qəza etmək bilə-bilə namazı buraxmaq deməkdir. Bilə-bilə namazı buraxmaq isə böyük günahdır.
Aleykum salam. Namaz qılıb oruc tutmamaq namazı batil etmir. Əgər siz vacib orucu, yəni Ramazan ayının orucunu nəzərdə tutursunuzsa, aclığa qarşı olan bir narahatlığa görə onu buraxmaq olmaz. Peyğəmbər (salləllahu aleyhi və səlləm) buyurmuşdur: "Şübhə və tərəddüd şeytandandır".
Salam aleykum. Qrip, soyuqdəymə və ya hər hansı bir xəstəlik səbəbi ilə burundan gələn selik namazı batil etmir.
Va aleykum Salam. Bəli, bu böyük günahlardandır. Uca Allah buyurur: "Zinaya yaxınlaşmayın. Çünki bu, iyrənc bir əməl və murdar bir yoldur!" (əl-İsra, 32).
Aleykum salam. Bəli, var. Uca Allah buyurur: "Yetim qızlara qarşı ədalətli olmayacağınızdan qorxursunuzsa, onda xoşunuza gələn (halal) qadınlardan ikisi, üçü və dördü ilə evlənin.
Aleykum salam.
Aleykum salam. Günah işlər görmək duaların qəbul edilməsinə əngəl ola bilər. Peyğəmbər (Ona və ailəsinə Allahın salavatı və salamı olsun) buyurur: "Uzun bir səfərə çıxmış bir kişi saçları dağınıq, paltarı tozlu halda əllərini səmaya uzadaraq: "Ey Rəbbim!
Aleykum salam. Namaz mütləq qılınmalıdır! Şərait, su, xəstəlik və ya soyuq olduqda dəstəmaz əvəzinə təyəmmüm almaq olar. Xəstəlik səbəbindən ayaq üstə dura bilmədikdə oturaraq, otura bilmədikdə isə uzanaraq namaz qılınmalıdır.
Aleykum Salam. Hər bir günahdan sonra tövbə etmək lazımdır: "Yaramaz işlər görüb sonra bunun ardından tövbə edib iman gətirənlərə gəlincə, şübhəsiz ki, Rəbbin bundan sonra Bağışlayandır, Rəhmlidir". (əl-Əraf, 153).
Aleykum assalam. Xeyr, peyğəmbər (s.a.s.) namazı möhürsüz qılıb.
Aleykum salam. Bəli, davam etməlisiniz. Çünki Peyğəmbərimiz Muhəmməd (sallallahu aleyhi va səlləm) namazı möhürsüz qılıb.
Aleykum salam. Namazı işlərimizin düz getməsi üçün yox, Uca Allahın razılığını, rəhmətini və bunların sayəsində də cənnətini qazanmaq üçün qılırıq. İşlərin tərs getməsi isə Uca Allahın sınaqları ilə bağlıdır.
Salam aleykum. Peyğəmbərimiz (salləllahu aleyhi və səlləm) demişdir: "...Həya imandandır". (əl-Buxari, 1/74, №: 24; Muslim, 1/63, №: 36). Digər bir hədisdə isə belə demişdir: "Həya yalnız xeyir gətirir". (əl-Buxari, 10/521, №: 6117; Muslim, 1/64, №: 37).
Ərim və qaynanam namaz qılmağa qoymurlar...
Qaynanamla yola getmirəm, nə edim?
Salam aleykum. Peyğəmbər (salləllahu aleyhi və səlləm) demişdir: "Kim yuxuda məni görsə, həqiqətən də, məni görmüş olar. Çünki şeytan mənim simamda görünə bilmir".
Aleykum salam. Zikr xatırlamaq deməkdir. Uca Allahı zikr etmək Onu xatırlamaq deməkdir. İslam alimlərinə görə bütün ibadətlərin buyurulmasında məqsəd Allah Təalanı xatırlamaqdır.
Aleykum assalam. Quranda bu adda surə yoxdur. "Tövhid" nəzərdə turursunuzsa, bunun qısaca mənası -- yalnız Uca Allaha ibadət etmək və ona şərik qoşmamaq. Daha ətraflı Tövhid nədir? məqaləsində oxuya bilərsiniz.
Aleykum assalam. Uca Allah buyurur: "Müəyyən sayda olan günləri (oruc tutmalısınız). Sizlərdən xəstə və ya səfərdə olanlar başqa günlərdə eyni sayda (oruc tutmalıdırlar). Buna taqəti olmayanlar isə (buraxdığı hər gününün əvəzinə) bir kasıbı yedirtməklə fidyə verməlidirlər.
Aleykum assalam. Əllərin bağlanması haqda rəy daha güclüdür. Qurani-kərimdən sonra ən səhih mənbə hesab olunan Səhih Əl-Buxaridə, bu haqda hədis aşağıdakı kimidir:
Salam aleykum.Bir müddəti kağıza baxıb qıla bilərsiniz. Uca Allah buyurur: "Allah hər kəsi yalnız qüvvəsi yetdiyi qədər yükləyər (bir işə mükəlləf edər)...". (əl-Bəqərə, 286).
Assalamu aleykum. İslamın bütpərəstlik üzərində qurulması fikri kökündən yanlışdır, çünki islam bütlərə ibadət etməyi şiddətlə qadağan edir. Məgər ilk insanın torpaqdan yaradılması onun bədənin başdan ayağa torpaqdan ibarət olmasını bildirir?
Va aleykum Salam.
Aleykum salam. Bəli, insanın bədəninə cin girə bilər. Bunun Quran və sünnədən dəlilləri aşağıdakılardır:
Uca Allah buyurur: "Sələm yeyənlər (qəbirlərindən) şeytan toxunub dəli eləmiş kimsənin qalxdığı kimi qalxarlar...". (əl-Bəqərə, 275).
Xeyr. Ətraflı cavaba burada baxa bilərsiniz
Və aleykum. Ən böyük günah Uca Allaha şərik qoşmaqdır. Allah Təalanın səni yaratmasına baxmayaraq, ibadətin hər hansı bir övündə ona başqasını - insanı, qəbiri, daşı, günəşi, ayı, sehrbazı və s. şərik qoşmaqdır.
Aleykum assalam. Oruc tutarkən dəstəmaz almaq vacib deyil. Dəstəmaz almağın qaydasını saytın İslam bölməsindəki Namaz məqaləsindən öyrənə bilərsiniz.
Aleykum salam. Nişanlı olmaq, bu hələ nigah demək deyil. Nigahda olmayanlar naməhrəm sayılır və onların bir-birini öpməsi haramdır. Qüsula gəldikdə isə, bu zaman qüsul pozulmur.
Aleykum salam. Dəstəmazı pozan amillər təyəmmümü də pozur. Bu səbəbdən, həmin amillər baş verməyibsə, hər namazda yenidən təyəmmüm almağa ehtiyac yoxdur. Lakin nəzərə alın ki, su və şərait olduqda, mütləq qüsul alınmalıdır.
Aleykum assalam. Saytın İslam bölməsində Namaz məqaləsindən öyrənə bilərsiniz.
Salam aleykum. Əgər bu hal davamlı olarsa, bu, dəstəmazı pozmur. Ancaq namazın vaxtı girdikdə dəstəmaz alır və həmin vaxt fərz və nafilə namazlarını qılır.